Handknattleiksmaðurinn Aron Pálmarsson landaði í morgun 104 sentímetra laxi í Nesi í Laxá í Aðaldal. Þetta er annar lax Arons á jafn mörgum árum og báðir hafa þeir verið yfir hundrað sentímetrar. Þetta var síðasti laxinn sem veiddist í opnunarhollinu og þar mætti landsliðsmaðurinn og lauk þessu holli með stæl í nánast uppbótartíma.
Leiðsögumaður Arons var Björgvin Krauni Viðarsson eða Krauni eins og hann er jafnan kallaður. Alls veiddust tveir laxar í opnunarhollinu sem voru yfir 100 sentímetrar. Sá fyrri var 107 og veiddist á Vitaðsgjafa.
Samtals veiddust tólf fiskar í opnunarhollinu í Nesi og var meðallengd 88 sentímetrar.
Lengd á laxi | Veiðisvæði | Veiðimaður | Dagsetning Dags. |
---|---|---|---|
101 cm | Vatnsdalsá | Erlendur veiðimaður | 29. september 29.9. |
101 cm | Eystri-Rangá | Grzegorz Loszewski | 27. september 27.9. |
105 cm | Hvítá við Iðu | Katrín Tanja Davíðsdóttir | 24. september 24.9. |
101 cm | Víðidalsá | Jón Eðvald Halldórsson | 22. september 22.9. |
107 cm | Grímsá | Jón Jónsson | 22. september 22.9. |
101 cm | Miðfjarðará | Agnar Sigurjónsson | 22. september 22.9. |
101 cm | Hvítá við Iðu | Gunnar Pétursson | 20. september 20.9. |