Met byrjun í Hofsá - komnir 43 laxar

Þessir nýgengnu laxar eru svo bjartir.Trausti Viktor Gunnlaugsson er hér …
Þessir nýgengnu laxar eru svo bjartir.Trausti Viktor Gunnlaugsson er hér með glæsilegt eintak úr Ofurstanum. Ljósmynd/Aðsend

Það er hörkustuð í Hofsá í Vopnafirði. Opnunarhollið lauk veiðum á hádegi í gær og landaði 31 laxi. Hollið sem tók við var búið að landa tólf löxum eftir fyrsta heila daginn. Samtals komnir 43 í bók. 

Að sögn umsjónarmanna Hofsár er þetta besta byrjun í ánni í mörg ár og líklega þarf að fara áratugi aftur til að finna viðlíka opnun.

Ari Þórðarson með dæmigerðan Hofsárlax. Þetta er einhver kröftugasta byrjun …
Ari Þórðarson með dæmigerðan Hofsárlax. Þetta er einhver kröftugasta byrjun sem sést hefur í Hofsá í mörg ár. Ljósmynd/Aðsend

Uppstaðan í veiðinni er stórlax og vekur það mönnum vonir um mjög gott sumar. Seiðamælingar á árganginum sem gekk út í fyrra voru jákvæðar og má því búast við að smálaxagöngur geti orðið góðar.

Þetta er í takt við aðrar ár sem hafa verið að opna á Norðaustur horninu. Þannig var kröftug opnun í Sandá í Þistilfirði og Selá opnaði líflega. Hafralónsá opnaði einnig vel.

mbl.is

Seinustu hundraðkallar sumarsins

Lengd á laxi Veiðisvæði Veiðimaður Dagsetning Dags.
101 cm Selá Jóhann Gunnar Arnarsson 13. ágúst 13.8.
100 cm Selá Kristín Ólafsdóttir 13. ágúst 13.8.
100 cm Víðidalsá Magnús 11. ágúst 11.8.
100 cm Jökla Boggi Tona 7. ágúst 7.8.
102 cm Laxá á Ásum Chis Warne 6. ágúst 6.8.
100 cm Víðidalsá Jón Trausti 5. ágúst 5.8.
100 cm Fnjóská Gunnar Jónsson 2. ágúst 2.8.

Skoða meira