Útlitið fyrir Jöklu er gott í sumar

Þröstur Elliðason og Kristín Edwald með fyrsta laxinn úr Jöklu. …
Þröstur Elliðason og Kristín Edwald með fyrsta laxinn úr Jöklu. Sjötíu sentímetra tekinn á hitch í Hólaflúð. Ljósmynd/Aðsend

Fyrstu laxarnir veiddust í Jöklu í morgun, þegar áin opnaði. Fyrsti laxinn tók hitch í Hólaflúð í einu af allra fyrstu köstum morgunsins. Töluvert mikið magn er af laxi í Hólaflúð, sem er einn af þekktari veiðistöðum Jöklu.

Nokkru síðar veiddist annar og þriðji laxinn og tóku þeir nánast samtímis og einnig í Hólaflúð. Þröstur Elliðason, leigutaki er ánægður með morguninn og segir að útlitið fyrir þetta sumar sé betra en oft áður. „Staðan á lóninu hjá Landsvirkjun er mun hagstæðari en síðustu tvö ár. Ég á von á því að við getum veitt megnið af ágústmánuði, áður en við fáum yfirfall. Það er óskandi og verður gaman að sjá hvað Jökla getur þá gert,“ sagði Þröstur í samtali við Sporðaköst.

Hér er fjör. Júlíus Elliðason og Ása Ásgrímsdóttir með 82 …
Hér er fjör. Júlíus Elliðason og Ása Ásgrímsdóttir með 82 sentímetra lax í Hólaflúð. Í baksýn er svo Atli Arason að þreyta stórlax, sem kom á land með Nordine leiðsögumanni. Ljósmynd/Aðsend

Undanfarin tvö sumur hefur Jökla orðið nánast óveiðandi snemma í ágúst þegar Hálslón hefur farið á yfirfall og þar með verður áin mjög gruggug og svo að hún er ill veiðanleg.

Laxarnir þrír í morgun voru ekki lúsugir en mjög nýlegir. Fyrsti laxinn var sjötíu sentímetrar en hinir tveir 82 og 83 sentímetrar.

mbl.is

Seinustu hundraðkallar sumarsins

Lengd á laxi Veiðisvæði Veiðimaður Dagsetning Dags.
101 cm Vatnsdalsá Erlendur veiðimaður 29. september 29.9.
101 cm Eystri-Rangá Grzegorz Loszewski 27. september 27.9.
105 cm Hvítá við Iðu Katrín Tanja Davíðsdóttir 24. september 24.9.
101 cm Víðidalsá Jón Eðvald Halldórsson 22. september 22.9.
107 cm Grímsá Jón Jónsson 22. september 22.9.
101 cm Miðfjarðará Agnar Sigurjónsson 22. september 22.9.
101 cm Hvítá við Iðu Gunnar Pétursson 20. september 20.9.

Skoða meira

Fleira áhugavert
Fleira áhugavert