Stóra gaf 28 laxa í opnunarhollinu

Veiðistaðurinn Bergsnös, Fallegur veiðstaður og gjöfull að sama skapi.
Veiðistaðurinn Bergsnös, Fallegur veiðstaður og gjöfull að sama skapi. Ljósmynd/Aðsend

Opnunin í Stóru-Laxá á svæði 1 og 2 var hreint út sagt mjög góð. 28 laxar komu á land og töluvert misstist. Helmingurinn af þessum fiskum veiddist fyrsta daginn en eftir það brast á bongóblíðu og dró það úr töku og allt varð viðkvæmara. 

Einn af 28. Fyrsti dagurinn gaf helminginn af aflanum og …
Einn af 28. Fyrsti dagurinn gaf helminginn af aflanum og svo dró úr þessu aðallega vegna mikillar blíðu. Hér er Valgerður Árnadóttir með fallegan vorlax í opnuninni. Ljósmynd/Aðsend

Flestir þessara fiska komu á Sunray Shadow og hitch en einnig smáflugur. Stærsti laxinn var 88 sentímetrar og allur er fiskurinn mjög vel haldinn, eins og reyndar veiðimenn eru að taka eftir um allt land með stórlaxinn.

Löndun afstaðin og slepping framundan. Árni Baldursson með lax sem …
Löndun afstaðin og slepping framundan. Árni Baldursson með lax sem er númer sextán þúsund og eitthvað á ferlinum. Ljósmynd/Aðsend

Bergsnösin sem er einn af einkennis stöðum svæðis 1 og 2 í Stóru geymir mikið af fiski og þar af sáu veiðimenn einn mjög stóran. Gamli reynsluboltinn Árni Baldursson giskaði á 25 til 30 pund og hann þekkir þá. Þessi stórlax liggur einmitt í Bergsnösinni, hversu lengi sem það verður.

Þetta er ekki besta opnun á svæði 1 og 2 sem Sporðaköst vita um, en klárlega í flokki með betri. Þetta er mikið ánægju efni fyrir þá fjölmörgu sem hafa átt veiðisamband við Stóru-Laxá.

mbl.is

Seinustu hundraðkallar sumarsins

Lengd á laxi Veiðisvæði Veiðimaður Dagsetning Dags.
101 cm Selá Jóhann Gunnar Arnarsson 13. ágúst 13.8.
100 cm Selá Kristín Ólafsdóttir 13. ágúst 13.8.
100 cm Víðidalsá Magnús 11. ágúst 11.8.
100 cm Jökla Boggi Tona 7. ágúst 7.8.
102 cm Laxá á Ásum Chis Warne 6. ágúst 6.8.
100 cm Víðidalsá Jón Trausti 5. ágúst 5.8.
100 cm Fnjóská Gunnar Jónsson 2. ágúst 2.8.

Skoða meira