Maríulaxinn mældist 102 sentímetrar

Kristinn Örn með maríulaxinn úr Soginu. Hann mældist 102 sentímetrar.
Kristinn Örn með maríulaxinn úr Soginu. Hann mældist 102 sentímetrar. Ljósmynd/GG

Stærsti laxinn sem veiðst hefur í Soginu í sumar kom á land í morgun. Þetta  var hængur sem mældist 102 sentímetrar og tók hann fluguna Haugur númer tólf. Það sem gerir þennan fisk enn merkilegri er sú staðreynd að hann reyndist maríulax veiðimannsins sem landaði honum. Maríulax kallaðst fyrsti lax sem veiðimaður landar. 

Veiðimaðurinn heitir Kristinn Örn og það var Guðni Grétarsson sem deildi myndinni og upplýsingum um fiskinn inn á facebook síðuna Veiðidellan er frábær.

Þar segir frá því að fiskurinn var tekinn á Sage approach einhendu fyrir línu sjö. Þrátt fyrir svo nettar græjur stóð viðureignin ekki nema í hálftíma, að sögn Kristins. Fiskurinn veiddist á veiðisvæðnu Þrastarlundur sem er við brúna skammt frá veitingastaðnum Þrastarlundi sem margir kannast við. Veiðistaðurinn heitir Kúagil og er ofarlega á svæðinu.

Flugan sem laxinn mikli tók var hnýtt af Brynjari Þór Guðnasyni, félaga Kristins sem var með honum að veiðum í dag í Þrastarlundi.

mbl.is

Seinustu hundraðkallar sumarsins

Lengd á laxi Veiðisvæði Veiðimaður Dagsetning Dags.
102 cm Laxá á Ásum Chis Warne 6. ágúst 6.8.
100 cm Fnjóská Gunnar Jónsson 2. ágúst 2.8.
101 cm Laxá í Dölum Arnór Ísfjörð Guðmundsson 30. júlí 30.7.
102 cm Laxá í Dölum Arnór Ísfjörð Guðmundsson 26. júlí 26.7.
106 cm Nesveiðar Ingvi Jökull Logason 25. júlí 25.7.
102 cm Nesveiðar Kristrún Ólöf Sigurðardóttir 25. júlí 25.7.
102 cm Nesveiðar Nils Folmer Jörgensen 21. júlí 21.7.

Skoða meira