Blanda ekki á yfirfall næstu vikur

Veiðimaður í Blöndu með 84 sentímetra fisk sem veiddist á …
Veiðimaður í Blöndu með 84 sentímetra fisk sem veiddist á svæði tvö í gær. Veiðistaðurinn er Kláfur. Blanda verður veiðanleg næstu vikurnar. Ljósmynd/Aðsend

Blanda verður veiðanleg langt fram í ágúst miðað við núverandi stöðu. Hún er mjög vatnsmikil en yfirfall úr Blöndulóni er ekki fyrirsjáanlegt miðað við þá stöðu sem nú er uppi. Við greindum frá því fyrr í þessum mánuði að miklar líkur væru á yfirfalli og það strax um miðjan júlí.

Mál hafa hins vegar þróast með þeim hætti að enn er nokkuð í að Blöndulón nái þeirri hæð að til yfirfalls komi.

Erik Koberling umsjónarmaður Blöndu segir það mikinn létti að sjá hvernig veðurguðirnir hafi gengið í lið með Blöndu. Innrennsli í lónið sé með þeim hætti að útlit sé fyrir að Blanda verði veiðanleg í mánuð í viðbót. Hann tekur hins vegar fram að enginn viti hvaða aðstæður komi upp á í veðri og menn taki bara því sem að höndum ber. 

En staðan núna er góð og Erik er bjartsýnn á næstu vikur.

mbl.is

Seinustu hundraðkallar sumarsins

Lengd á laxi Veiðisvæði Veiðimaður Dagsetning Dags.
100 cm Fnjóská Gunnar Jónsson 2. ágúst 2.8.
101 cm Laxá í Dölum Arnór Ísfjörð Guðmundsson 30. júlí 30.7.
102 cm Laxá í Dölum Arnór Ísfjörð Guðmundsson 26. júlí 26.7.
106 cm Nesveiðar Ingvi Jökull Logason 25. júlí 25.7.
102 cm Nesveiðar Kristrún Ólöf Sigurðardóttir 25. júlí 25.7.
102 cm Nesveiðar Nils Folmer Jörgensen 21. júlí 21.7.
100 cm Nesveiðar Anna Margrét Kristinsdóttir 19. júlí 19.7.

Skoða meira