Fossá í Þjórsárdal dottin í gang

Ríkarður Hjálmarsson með fallega hrygnu af Breiðunni fyrir neðan Hjálparfoss …
Ríkarður Hjálmarsson með fallega hrygnu af Breiðunni fyrir neðan Hjálparfoss í Fossá í Þjórsárdal. Ljósmynd/Aðsend

Fossá í Þjórsárdal er skemmtileg síðsumarsá sem rennur í Þjórsá. Tvær stangir eru í ánni og voru fyrstu laxarnir að veiðast í henni í vikunni. Ríkarður Hjálmarsson fór í könnunarleiðangur og bar hann árangur. 

Þetta umhverfi er stórkostlegt og líkir Ríkarður því við að …
Þetta umhverfi er stórkostlegt og líkir Ríkarður því við að veiða í himnaríki. Ljósmynd/Aðsend

„Það voru einhverjir laxar komnir á land, en Fossá er best í september. Það er engu líkt að veiða í Fossá og að setja í laxa í Hjálparfossi er draumi líkast. Þetta er svolítið eins og að veiða í himnaríki. Ef það er rétt hjá mér kvíði ég ekki búsetu minni í sumarlandinu,“ hló Ríkarður Hjálmarsson í samtali við Sporðaköst.

Hjálparfoss í allri sinni dýrð.
Hjálparfoss í allri sinni dýrð. Ljósmynd/Aðsend

Þeir félagar voru með báðar stangirnar og settu í sjö laxa, bæði í fossi og á breiðunni fyrir neðan. Lönduðu fimm en misstu tvo. Fiskurinn var upp í 76 sentímetra.

Eftir því sem líður á september bætist í fjöldann og ekki er óalgengt að vænir laxar veiðist í Fossá þegar líður á september. 

mbl.is

Seinustu hundraðkallar sumarsins

Lengd á laxi Veiðisvæði Veiðimaður Dagsetning Dags.
103 cm Mýrarkvísl Matthías Þór Hákonarson 30. september 30.9.
103 cm Stóra Laxá Ársæll Þór Bjarnason 29. september 29.9.
101 cm Stóra Laxá Friðjón Mar Sveinbjörnsson 28. september 28.9.
100 cm Víðidalsá Nils Folmer Jörgensen 26. september 26.9.
104 cm Víðidalsá Þorsteinn Sverrisson 25. september 25.9.
101 cm Snæfoksstaðir Sigurður Þór Sigurðsson 23. september 23.9.
107 cm Víðidalsá Kristján Jónsson 23. september 23.9.

Skoða meira