Margar ár að nálgast þúsund laxa múrinn

Veitt í Eystri-Rangá.
Veitt í Eystri-Rangá. Einar Falur Ingólfsson

Metið í Eystri Rangá féll í vikunni og hafa nú verið bókaðir 7689 laxar, en gamla metið var 7473 laxar árið 2007. Sömuleiðis féll metið í Affallinu og er hún núna í fjórða sæti með 1422 laxa. Besta veiði í Affallinu fram til þess var árið 2010 þegar 1021 lax veiddist.

Þó nokkrar ár eru að nálgast þúsund laxa múrinn. Sex ár hafa þegar komist yfir þúsund laxa. Þær eru Eystri Rangá, Ytri Rangá, Miðfjarðará, Affallið, Selá í Vopnafirði og nú er Haffjarðará einnig kominn í fjögurra stafa tölu.

Þessar upplýsingar eru fengnar af heimasíður Landssambands Veiðifélaga angling.is. Þar má sjá að Hofsá í Vopnafirði og Þverá/Kjarrá eru báðar í dauðafæri með að ná þúsund löxum á þessari vertíð. 

Fyrstu lokatölurnar eru farnar að berast og mun þeim fjölga verulega strax í næstu viku.

Haustbragur er á tölunum og veiði víðast hvar farin að róast mikið. Þó geta nokkrar ár gefið hressilega september veiði ef aðstæður eru réttar. Stóra Laxá, Laxá í Dölum og Þverá/Kjarrá geta allar gefið góð haustholl.

mbl.is

Seinustu hundraðkallar sumarsins

Lengd á laxi Veiðisvæði Veiðimaður Dagsetning Dags.
103 cm Mýrarkvísl Matthías Þór Hákonarson 30. september 30.9.
103 cm Stóra Laxá Ársæll Þór Bjarnason 29. september 29.9.
101 cm Stóra Laxá Friðjón Mar Sveinbjörnsson 28. september 28.9.
100 cm Víðidalsá Nils Folmer Jörgensen 26. september 26.9.
104 cm Víðidalsá Þorsteinn Sverrisson 25. september 25.9.
101 cm Snæfoksstaðir Sigurður Þór Sigurðsson 23. september 23.9.
107 cm Víðidalsá Kristján Jónsson 23. september 23.9.

Skoða meira