„Geirlandsá hefur verið að gefa vel síðustu daga, stórir og flottir birtingar og var til dæmis hollið 12. - 14. september með sextán birtinga. Þeir voru allt að 89 sentímetrar,“ sagði Óskar Færseth varaformaður Stangaveiðifélags Keflavíkur þegar Sporðaköst leituðu frétta af svæðum félagsins á slóðum sjóbirtinga í Vestur - Skaftafellssýslu.
SVFK er líka með Fossálana á leigu og segir Óskar að þar hafi veiðin verið að glæðast að undanförnu og að menn hafi orðið varir við töluvert magn af birtingi. Þannig setti hollið 10. - 12. september í níu birtinga og voru þeir á bilinu þrjú og upp í níu pund.
„Jónkvísl hefur verið í þokkalega málum og mikið af fiski í henni,“ sagði Óskar.
„Grenlækur, Flóðið hefur verið frekar rólegt en menn eru að setja í einn og einn. Vonandi fer þetta að glæðast þar en eins og við þekkjum svæðin okkar fyrir austan er besti tíminn að ganga í garð,“ sagði Óskar um Flóðið.
Hann er býsna sáttur við sumarið og haustið og telur það, svona heilt yfir bara nokkuð gott hingað til.
Lengd á laxi | Veiðisvæði | Veiðimaður | Dagsetning Dags. |
---|---|---|---|
101 cm | Vatnsdalsá | Erlendur veiðimaður | 29. september 29.9. |
101 cm | Eystri-Rangá | Grzegorz Loszewski | 27. september 27.9. |
105 cm | Hvítá við Iðu | Katrín Tanja Davíðsdóttir | 24. september 24.9. |
101 cm | Víðidalsá | Jón Eðvald Halldórsson | 22. september 22.9. |
107 cm | Grímsá | Jón Jónsson | 22. september 22.9. |
101 cm | Miðfjarðará | Agnar Sigurjónsson | 22. september 22.9. |
101 cm | Hvítá við Iðu | Gunnar Pétursson | 20. september 20.9. |