Hörkuveiði hefur verið í Tungulæk sem fellur í Skaftá, rétt neðan Kirkjubæjarklausturs. Mikið er af stórum fiski í læknum eins og endranær. Hafþór Hallsson er einn þeim sem hafa lent í skemmtilegum aflabrögðum þar í september.
„Við vorum við veiðar í Tungulæk sex félagar 9. til 11. september. Við lönduðum 36 og misstum annað eins. Þetta var mjög fallegur fiskur og flestir voru á bilinu sjötíu til áttatíu sentímetrar. Þetta var alger veisla,“ sagði Hafþór í samtali við Sporðaköst.
Það var ýmislegt að gefa hjá þeim félögum á þessum tveimur dögum. Þeir voru að fá á Skugga, Black Ghost, litlar púpur, andstreymis og sitthvað fleira.
Nú er mjög góður tími í Tungulæk. Bæði er mikið af fiski genginn upp úr Skaftá og von er á nýjum fiski næstu vikurnar.
Veislugestir í Tungulæk að þessu sinni voru þeir, Hafþór Hallsson, Borgar Axelsson, Birgir Örn Birgisson, Vilhjálmur Þorsteinsson og Stefán Broddi Guðjónsson.
Lengd á laxi | Veiðisvæði | Veiðimaður | Dagsetning Dags. |
---|---|---|---|
101 cm | Vatnsdalsá | Erlendur veiðimaður | 29. september 29.9. |
101 cm | Eystri-Rangá | Grzegorz Loszewski | 27. september 27.9. |
105 cm | Hvítá við Iðu | Katrín Tanja Davíðsdóttir | 24. september 24.9. |
101 cm | Víðidalsá | Jón Eðvald Halldórsson | 22. september 22.9. |
107 cm | Grímsá | Jón Jónsson | 22. september 22.9. |
101 cm | Miðfjarðará | Agnar Sigurjónsson | 22. september 22.9. |
101 cm | Hvítá við Iðu | Gunnar Pétursson | 20. september 20.9. |