Fjöldi fólks lagði leið sína á Þingvelli í dag til að fylgjast með urriðadansinum í Öxará þar sem urriðinn er að hrygna um þessar mundir. Einn þeirra sem mættu á staðinn er góðkunningi Sporðakasta Cezary Fijalkowski.
Cezary er magnaður veiðimaður og hefur gert frábæra veiði á stórurriða í Þingvallavatni í mörg ár. Hann veiðir fyrst og fremst í þjóðgarðinum og hefur landað tugum urriða sem eru níutíu sentímetrar og stærri. Stærsti fiskur sem hann hefur fengið mældist 103 sentímetrar og var það árið 2016.
Sjálfsagt hefur farið um marga af þessum urriðum þegar þeir sáu Cezary munda símann. En án efa hefur hann veitt einhverja þeirra og sleppt þeim.
Aðstæður til að fylgjast með urriðanum voru eins og best verður á kosið í dag. Logn og sól. þá er skyggnið frábært eins og sjá má á myndunum sem Cezary sendi Sporðaköstum.
Lengd á laxi | Veiðisvæði | Veiðimaður | Dagsetning Dags. |
---|---|---|---|
101 cm | Vatnsdalsá | Erlendur veiðimaður | 29. september 29.9. |
101 cm | Eystri-Rangá | Grzegorz Loszewski | 27. september 27.9. |
105 cm | Hvítá við Iðu | Katrín Tanja Davíðsdóttir | 24. september 24.9. |
101 cm | Víðidalsá | Jón Eðvald Halldórsson | 22. september 22.9. |
107 cm | Grímsá | Jón Jónsson | 22. september 22.9. |
101 cm | Miðfjarðará | Agnar Sigurjónsson | 22. september 22.9. |
101 cm | Hvítá við Iðu | Gunnar Pétursson | 20. september 20.9. |