Mokveiði 1934 – hvar er þetta?

Þetta skemmtilega myndbrot er úr lengri kvikmynd eftir Loft Guðmundsson sem er einn af okkar helstu frumkvöðlum á sviði kvikmyndagerðar. Hér má sjá veiðimenn mokveiða og aflinn er mikill. 

Í lýsingu frá Kvikmyndasafni Íslands segir: Stangveiðimenn landa hverjum stórlaxinum á fætur öðrum við foss í Borgarfirði. Samkvæmt merkingu í myndinni er þetta fossinn Barnafoss í Hvítá en líklega er þetta þó Glanni í Norðurá. 

Nú er spurt: Hvar heldur þú að þetta myndband hafi verið tekið upp? Dettur einhverjum í hug Laxfoss í Kjós? Eða?

Kvikmyndin er frá árinu 1934 og viti einhver deili á þessum veiðimönnum væri það áhugavert. Þetta er efni frá Ísland á filmu. Hægt er að nálgast mikið af gömlu myndefni inni á síðunni þeirra, en slóðin er www.islandafilmu.is

• Blogga um frétt

Seinustu hundraðkallar sumarsins