Veiði í Grímsá boðin út til fimm ára

Frá Grímsá í Borgarfirði. Hið tilkomumikla veiðihús er í baksýn. …
Frá Grímsá í Borgarfirði. Hið tilkomumikla veiðihús er í baksýn. Áin verður boðin út til fimm ára. Hreggnasi

Veiðifélag Grímsár og Tunguár hefur ákveðið að óska eftir tilboðum í veiðiréttinn frá og með veiðitímabilinu 2022 og út sumarið 2026, eða til fimm ára. Samningur við núverandi leigutaka, sem er Hreggnasi ehf., var runninn út en Jón Gíslason formaður veiðifélagsins sagði að hann hefði verið framlengdur um eitt ár. „Okkur leist ekkert á að fara með hana í útboð í því árferði sem var í fyrra þannig að við frestuðum þessu þar til núna,“ sagði formaðurinn í samtali við Sporðaköst.

Formleg auglýsing um útboðið mun birtast eftir helgi og kemur fram í henni að frestur er til föstudagsins 14. maí að skila inn tilboðum. Tilboðin verða opnuð klukkan 15 þann dag og ætlar stjórn Veiðifélags Grímsár og Tunguár að reyna að halda aðalfund um mánaðamótin maí/júní og ganga frá málinu.

Mikill áhugi var fyrir útboði sem fór fram í febrúar þar sem boðinn var út veiðiréttur í Ytri-Rangá. Ekki hefur enn tekist að halda aðalfund í félaginu til að klára að taka endanlega afstöðu til málsins. Samkomutakmarkanir hafa þar vegið þyngst.

Hreggnasi ehf. hefur haft Grímsá á leigu frá árinu 2004 og er það eitt af lengstu viðskiptasamböndum á þessu sviði. 

LEX lögmannsstofa annast framkvæmdina á útboðinu fyrir veiðifélagið.

mbl.is

Seinustu hundraðkallar sumarsins

Lengd á laxi Veiðisvæði Veiðimaður Dagsetning Dags.
101 cm Vatnsdalsá Erlendur veiðimaður 29. september 29.9.
101 cm Eystri-Rangá Grzegorz Loszewski 27. september 27.9.
105 cm Hvítá við Iðu Katrín Tanja Davíðsdóttir 24. september 24.9.
101 cm Víðidalsá Jón Eðvald Halldórsson 22. september 22.9.
107 cm Grímsá Jón Jónsson 22. september 22.9.
101 cm Miðfjarðará Agnar Sigurjónsson 22. september 22.9.
101 cm Hvítá við Iðu Gunnar Pétursson 20. september 20.9.

Skoða meira

Fleira áhugavert
Fleira áhugavert