Hoppandi hamingja á Kárastöðum

Þetta er hoppandi hamingja. Hann er á og menn missa …
Þetta er hoppandi hamingja. Hann er á og menn missa sig á Kárastöðum í Þingvallavatni. Ljósmynd/Aðsend

Einn af þeim sem hafa verið grimmir að sækja Kárastaði í Þingvallavatni það sem af er veiðitímabilinu er Björn Hlynur Pétursson. Hann gerði þar góða veiði í upphafi áður en allt fraus. Nú er aftur komið vor og fjör að færast í leikinn.

„Urriðadansinn á Kárastöðum byrjaði 1. apríl og heldur betur með stæl,“ sagði Björn, sem lagði leið sína með góðum félaga til veiða á Kárastöðum í gær. „Klakinn var nýfarinn eftir þetta svakalega kuldakast og aðstæður litu heldur betur út þennan dag. Rigningarúði í lofti og eftirvæntingin mikil. Það leið ekki á löngu þar til sett var í flotta ísaldarurriða,“ upplýsti Björn Hlynur. Hann segir gleðina hafa byrjað á fyrsta veiðistaðnum með rauðagullið og svo tók við grænagullið hjá þeim félögum. Gullflugurnar eru flugur sem Björn Hlynur hefur hannað og hnýtt sjálfur og að hans sögn hafa þær gefið vel.
Þetta er Grænagullið sem Björn Hlynur hannaði og hnýtti.
Þetta er Grænagullið sem Björn Hlynur hannaði og hnýtti. Ljósmynd/BHP
„Við enduðum með þrjá höfðingja þennan dag með nokkrum misstum. Við notuðum flugur frá 8-12 Black Ghost, Dentist og gullin.
Fiskarnir fjórir sem við Magnús félagi minn lönduðum voru 64, 65, 75 og 80 sentímetrar. Aðrar tvær stangir sem voru að veiða með okkur voru líka í góðu lífi. Fiskurinn er grimmur þarna núna,“ sagði Björn Hlynur ákafur.
Björn Hlynur með sannkallaðan boldangs urriða.
Björn Hlynur með sannkallaðan boldangs urriða. Ljósmynd/Aðsend
mbl.is

Seinustu hundraðkallar sumarsins

Lengd á laxi Veiðisvæði Veiðimaður Dagsetning Dags.
103 cm Mýrarkvísl Matthías Þór Hákonarson 30. september 30.9.
103 cm Stóra Laxá Ársæll Þór Bjarnason 29. september 29.9.
101 cm Stóra Laxá Friðjón Mar Sveinbjörnsson 28. september 28.9.
100 cm Víðidalsá Nils Folmer Jörgensen 26. september 26.9.
104 cm Víðidalsá Þorsteinn Sverrisson 25. september 25.9.
101 cm Snæfoksstaðir Sigurður Þór Sigurðsson 23. september 23.9.
107 cm Víðidalsá Kristján Jónsson 23. september 23.9.

Skoða meira