Helluvatn að gefa á þurrflugur og púpur

Marteinn Már Jakobsson með fallegan urriða úr Helluvatni. Hann er …
Marteinn Már Jakobsson með fallegan urriða úr Helluvatni. Hann er búinn að landa fimm á síðustu dögum og missa nokkra. Fengið tvo á þurrflugu og hina á smáar púpur. Ljósmynd/Aðsend

Þeir sem hafa verið að stunda Elliðavatn og Helluvatn í borgarlandinu hafa sumir hverjir lent í ágætri veiði. Einn þeirra er Marteinn Már Jakobsson. Hann hefur verið að setja í urriða í Helluvatni og í dag landaði hann tveimur flottum urriðum og annar tók þurrflugu númer 16.

„Ég er búinn að fara síðustu þrjá daga. Veðrið er búið að vera svo frábært. Ég hef verið að koma um hádegi, þegar heitasti tíminn er að renna upp. Í dag fékk ég þessa tvo milli tólf og tvö. Annar tók þurrflugu, Black Gnat númer sextán. Frá því á mánudag hef ég landað fimm flottum urriðum og misst nokkra,“ sagði Marteinn í samtali við Sporðaköst.

Virkilega fallegur fiskur úr Helluvatni.
Virkilega fallegur fiskur úr Helluvatni. Ljósmynd/Aðsend

Smáar púpur hafa líka verið að gefa honum veiði. Pheasant Tail, og Peacock. Svo notar hann gjarnan Burton-púpu í dropper.

„Það er að kvikna líf í vatninu. Ég var að sjá uppítökur rétt við land. Ég fékk líka einn flottan á Gray Wulf-þurrflugu. Það er svo sturlað að nota þurrfluguna í Helluvatni og vá hvað er gaman að þetta sé aftur byrjað,“ sagði afar ánægður veiðimaður. 

mbl.is

Seinustu hundraðkallar sumarsins

Lengd á laxi Veiðisvæði Veiðimaður Dagsetning Dags.
103 cm Mýrarkvísl Matthías Þór Hákonarson 30. september 30.9.
103 cm Stóra Laxá Ársæll Þór Bjarnason 29. september 29.9.
101 cm Stóra Laxá Friðjón Mar Sveinbjörnsson 28. september 28.9.
100 cm Víðidalsá Nils Folmer Jörgensen 26. september 26.9.
104 cm Víðidalsá Þorsteinn Sverrisson 25. september 25.9.
101 cm Snæfoksstaðir Sigurður Þór Sigurðsson 23. september 23.9.
107 cm Víðidalsá Kristján Jónsson 23. september 23.9.

Skoða meira