Frétt gærdagsins um stórlaxa í Mörrum í Svíþjóð var varla komin í loftið þegar einn sá stærsti á þessari öld, sem áin hefur gefið, veiddist. Það var veiðimaðurinn Jahn Krohn Dehli sem setti í og landaði svakalegum laxi. Sá mældist 118 sentimetrar og vó 17,68 kíló eða góð 35 pund.
Vorið 2019 veiddist 118 sentimetra lax í þessari miklu stórlaxaá í Svíþjóð. Sá fiskur vó 19,3 kíló eða 38,5 pund. Var sá fiskur talinn einn sá stærsti á þessari öld í Mörrum.
Það er ánægjulegt að sjá að þessir stórfiskar eru ekki að gefa eftir og vonandi veit þetta á gott veiðisumar fyrir stórlaxa á Íslandi. Fiskeshopen í Mörrum sem fylgist með öllu sem gerist í ánni fagnaði þessum afla líka á sinn hátt. „Storlaaaaaaaaax!!“ var fyrirsögnin.
Þegar myndin er skoðuð má sjá ótrúlega flottan og risavaxinn hæng. Silfurbjartur og greinilega nýkominn úr sjó. Þessi stórvaxni hængur tók spún. Það styttist í íslensku ævintýrin.
Lengd á laxi | Veiðisvæði | Veiðimaður | Dagsetning Dags. |
---|---|---|---|
101 cm | Vatnsdalsá | Erlendur veiðimaður | 29. september 29.9. |
101 cm | Eystri-Rangá | Grzegorz Loszewski | 27. september 27.9. |
105 cm | Hvítá við Iðu | Katrín Tanja Davíðsdóttir | 24. september 24.9. |
101 cm | Víðidalsá | Jón Eðvald Halldórsson | 22. september 22.9. |
107 cm | Grímsá | Jón Jónsson | 22. september 22.9. |
101 cm | Miðfjarðará | Agnar Sigurjónsson | 22. september 22.9. |
101 cm | Hvítá við Iðu | Gunnar Pétursson | 20. september 20.9. |