Flottir fiskar í leiðindaveðri

Árni Friðleifsson með glæsilegan urriða úr Lambeyjarstreng.
Árni Friðleifsson með glæsilegan urriða úr Lambeyjarstreng. Ljósmynd/JJÍ

Fyrstu urriðunum var landað í Laxá í Mývatnssveit í morgun. Opnunarhollið fékk á sig hávaðarok, leysingavatn og heilt yfir erfiðar aðstæður. Samt voru menn að gera ágæta veiði. Einn af þeim sem er að opna Mývatnssveitina er Árni Friðleifsson. 

Sporðaköst náðu tali af honum, þar sem hann var ásamt félaga sínum Jóhanni J. Ísleifssyni, í Lambeyjarstreng, Hofsstaðamegin.

Jóhann J. Ísleifsson með einn góðan. Þeir félagar segja fiskinn …
Jóhann J. Ísleifsson með einn góðan. Þeir félagar segja fiskinn vel haldinn og kröftugan. Ljósmynd/ÁF

„Já þetta eru nokkuð krefjandi aðstæður, en við erum búnir fá slatta af fiski og hann er vel haldinn urriðinn. Úbbs," sambandið við Árna rofnaði. Hann hringdi til baka nokkru síðar. "Fyrirgefðu, bara fékk akkúrat töku og var að klára að landa honum," sagði hress og kátur veiðimaður.

Þeir félagar voru að fá þessa fiska á púpur og höfðu víða orðið varir við fisk. 

Fréttin verður uppfærð

Uppfært klukkan 18:20

Glæsilegur 65 sentímetra urriði úr Þuríðarflóa á seinni vaktinni. Veiðimaður …
Glæsilegur 65 sentímetra urriði úr Þuríðarflóa á seinni vaktinni. Veiðimaður er Sigurjón Bjarni Bjarnason. Ljósmynd/HBB

Fyrsta vaktin í Mývatnssveit gaf á bilinu 20 til 25 fiska. Opnunarhollið hefur oft gert betri veiði á fyrstu vakt, en aðstæður eru virkilega krefjandi. Bjarni Júlíusson er með syni sína að veiða Arnarvatnsland, á seinni vaktinni og þegar Sporðaköst heyrðu í þeim feðgum voru þeir búnir að setja í fjóra urriða og landa tveimur. Sigurjón Bjarni Bjarnason setti í 65 sentímetra fisk í Þuríðarflóa og landaði honum með aðstoð bróðurs síns Hafþórs Bjarna. Fiskurinn tók Rektor og var hann tekinn á frekar nettan Rektor.

Aðstæður eru erfiðar, eins og áður hefur verið sagt. Áin lituð og mikill vindur framan af degi. Straumflugur sem hafa verið að virka fyrir þá feðga, eru Black Ghost, Rektor og fleiri klassiskar.

mbl.is

Seinustu hundraðkallar sumarsins

Lengd á laxi Veiðisvæði Veiðimaður Dagsetning Dags.
103 cm Mýrarkvísl Matthías Þór Hákonarson 30. september 30.9.
103 cm Stóra Laxá Ársæll Þór Bjarnason 29. september 29.9.
101 cm Stóra Laxá Friðjón Mar Sveinbjörnsson 28. september 28.9.
100 cm Víðidalsá Nils Folmer Jörgensen 26. september 26.9.
104 cm Víðidalsá Þorsteinn Sverrisson 25. september 25.9.
101 cm Snæfoksstaðir Sigurður Þór Sigurðsson 23. september 23.9.
107 cm Víðidalsá Kristján Jónsson 23. september 23.9.

Skoða meira