Áfram gott í Urriðafossi í Þjórsá

Ingvar með tvo stórlaxa. Í Þjórsá má drepa fiska, en …
Ingvar með tvo stórlaxa. Í Þjórsá má drepa fiska, en þó er kvóti á stöng og þetta er herramanns matur. Ljósmynd/aðsend

Dagur tvö í Urriðafossi. Fimmtán löxum var landað og margir misstir. Oft er það sem opnunardagur tekur hrollinn úr svæðum, en því var ekki að heilsa í Þjórsá í dag. Ingvar Stefánsson og félagar áttu frábæran dag. Ingvar hafði á orði við Sporðaköst að hann hefði aldrei áður séð svona þykka og þétta laxa eins og þeir voru að landa í dag. Er það í takt við það sem opnunarhollið var að upplifa.

Sigurður Arnar Jónsson með stórlaxa úr Urriðafossi í dag.
Sigurður Arnar Jónsson með stórlaxa úr Urriðafossi í dag. Ljósmynd/Aðsend

„Þetta var reytingur allan daginn. Það komu hlé inn á milli en svo var eins og kæmu göngur inn. Reyndar var bara einn lax lúsugur en þeir voru allir glænýir. Hreisturlos var mikið og af þessum fimmtán voru fimm hængar. Lengdin var á bilinu 76 sentímetrar til 87 og voru hængarnir stærstir,“ sagði Ingvar á heimleið eftir flottan veiðidag í Urriðafossi.

Feðgarnir Jón Guðbjörnsson og Sigurður Arnar á hafnum, landa stórlaxi …
Feðgarnir Jón Guðbjörnsson og Sigurður Arnar á hafnum, landa stórlaxi í Huldu í dag. Ljósmynd/Aðsend

Þeir félagar misstu marga fiska og það var alltaf eitthvað að gerast. „Ég hafði á tilfinningunni að það væri ekki neitt rosalega mikið af fiski, en eins og ég heyrði frá Stefáni leigutaka í gær, þá voru alltaf að koma inn fiskar.“

Þeir félagar tóku kvótann og var allur fiskurinn veiddur á maðk, eins og algengast er í Urriðafossi. Þeir voru býsna ánægðir með lífið og tilveruna á heimleið í samtali við Sporðaköst.

mbl.is

Seinustu hundraðkallar sumarsins

Lengd á laxi Veiðisvæði Veiðimaður Dagsetning Dags.
103 cm Mýrarkvísl Matthías Þór Hákonarson 30. september 30.9.
103 cm Stóra Laxá Ársæll Þór Bjarnason 29. september 29.9.
101 cm Stóra Laxá Friðjón Mar Sveinbjörnsson 28. september 28.9.
100 cm Víðidalsá Nils Folmer Jörgensen 26. september 26.9.
104 cm Víðidalsá Þorsteinn Sverrisson 25. september 25.9.
101 cm Snæfoksstaðir Sigurður Þór Sigurðsson 23. september 23.9.
107 cm Víðidalsá Kristján Jónsson 23. september 23.9.

Skoða meira