Einar Sigfússon hættir með Norðurá

Vel fór á með Guðrúnu formanni Veiðifélagsins og Einari í …
Vel fór á með Guðrúnu formanni Veiðifélagsins og Einari í morgun þegar veiði hófst í Norðurá. Ljósmynd/Einar Falur

„Einar Sigfússon hefur sagt upp samningi sínum við okkur og verður bara fram á haustið. Þar með lýkur hans aðkomu að ánni. Það var samþykkt á aðalfundi félagsins í gær að leita eftir nýjum aðila til að vinna með okkur á svipuðum nótum og Einar hefur verið að gera,“ sagði Guðrún Sigurjónsdóttir, formaður Veiðifélags Norðurár í samtali við Sporðaköst í morgun.

Guðrún var viðstödd opnun Norðurár í morgun og var afskaplega ánægð með hvernig veiðin byrjaði.

Samningur Einars við veiðifélagið rennur út í haust, en í samningnum er framlengingarákvæði sem Einar ákvað að notfæra sér ekki. „Ég held að hann sé nú að fara að njóta lífsins meira og sinna áhugamálum,“ hló Guðrún Sigurjónsdóttir bóndi á Glitstöðum í Norðurárdal.

Samstarfið gekk með ágætum og nú verður leitað að arftaka …
Samstarfið gekk með ágætum og nú verður leitað að arftaka Einars Sigfússonar til að vinna með veiðifélaginu á svipuðum nótum, eftir þessu sumri lýkur. Ljósmynd/Einar Falur

Hún sagði að Veiðifélag Norðurár myndi ekki auglýsa með beinum hætti eftir nýjum samstarfsaðila. „Við munum heyra í aðilum sem eru að sinna verkefnum af svipuðum toga og svo er þetta fljótt að berast út og væntanlega hafa einhverjir samband við okkur. Við ætlum að gefa okkur smá tíma til að finna rétta samstarfsaðila."

Einar Sigfússon hefur annast rekstur og sölu veiðileyfa í Norðurá í átta ár. Ljóst er að landeigendum fellur vel umboðssölu fyrirkomulagið og verður leitað að nýjum „Einari" í sumar.

mbl.is

Seinustu hundraðkallar sumarsins

Lengd á laxi Veiðisvæði Veiðimaður Dagsetning Dags.
103 cm Mýrarkvísl Matthías Þór Hákonarson 30. september 30.9.
103 cm Stóra Laxá Ársæll Þór Bjarnason 29. september 29.9.
101 cm Stóra Laxá Friðjón Mar Sveinbjörnsson 28. september 28.9.
100 cm Víðidalsá Nils Folmer Jörgensen 26. september 26.9.
104 cm Víðidalsá Þorsteinn Sverrisson 25. september 25.9.
101 cm Snæfoksstaðir Sigurður Þór Sigurðsson 23. september 23.9.
107 cm Víðidalsá Kristján Jónsson 23. september 23.9.

Skoða meira