Tóti tönn hefur engu gleymt

Tóti tönn hefur engu gleymt og landaði tveimur af þremur …
Tóti tönn hefur engu gleymt og landaði tveimur af þremur löxum sem veiddust í Kjarrá í gær á opnunardegi. Þessi veiddist í Efri - Johnson. Ljósmynd/IÁ

Tóti tönn, eða Þórarinn Sigþórsson tannlæknir og veiðimaður til mjög margra áratuga er að opna Kjarrá í Borgarfirði. Þrír laxar komu á land þar í gær, á opnunardegi og var Tóti með tvo þeirra. Hann er á níræðisaldri en veiðimaðurinn í honum er ekki nema rétt um þrítugt.

Tóti í essinu sínu. Hann er á níræðisaldri en hann …
Tóti í essinu sínu. Hann er á níræðisaldri en hann ætlar sér að veiða marga daga í sumar. Hann er sýst að slá af. Ljósmynd/IÁ

Tóti er á stöng með Ingólfi Ásgeirssyni leigutaka í Kjarrá.  Ingólfur sagði í samtali við Sporðaköst að 83 sentímetra lax hefði veiðst í Efra - Rauðabergi í gær og svo hefði Tóti fengið 84 sentímetra fisk í Efri - Johnson. „Já og svo sleit karlinn upp einn í Réttarhyl,“ upplýsti Ingólfur.

Það er ágæt staða á vatni í Kjarrá, en þar eins og víðar er útlit fyrir að bíða þurfi eftir smálaxinum þar til fjör fer að færast í hlutina.

Kunnugleg stelling hjá tannlækninum.
Kunnugleg stelling hjá tannlækninum. Ljósmynd/IÁ

Angling.is, vefur Landssambands veiðifélaga birti í morgun fyrstu vikutölur yfir laxveiðina. Þar kemur fram að Urriðafoss í Þjórsá var kominn með 99 laxa í bók og er sá hundraðasti líkalega þegar kominn á land.

Norðurá var með 15 og Blanda þrjá miðað við skráða veiði í gærkvöldi.

mbl.is

Seinustu hundraðkallar sumarsins

Lengd á laxi Veiðisvæði Veiðimaður Dagsetning Dags.
103 cm Mýrarkvísl Matthías Þór Hákonarson 30. september 30.9.
103 cm Stóra Laxá Ársæll Þór Bjarnason 29. september 29.9.
101 cm Stóra Laxá Friðjón Mar Sveinbjörnsson 28. september 28.9.
100 cm Víðidalsá Nils Folmer Jörgensen 26. september 26.9.
104 cm Víðidalsá Þorsteinn Sverrisson 25. september 25.9.
101 cm Snæfoksstaðir Sigurður Þór Sigurðsson 23. september 23.9.
107 cm Víðidalsá Kristján Jónsson 23. september 23.9.

Skoða meira