Fyrsti laxinn úr Mýrarkvísl

Fyrsti laxinn hefur veiðst í Mýrarkvísl. Það var Matthías Þór …
Fyrsti laxinn hefur veiðst í Mýrarkvísl. Það var Matthías Þór Hákonarson sem landaði þessari 75 sentímetra hrygnu. Ljósmynd/MÞH

Fyrsti laxinn veiddist í Mýrarkvísl í dag. Falleg 75 sentímetra hrygna veiddist í Nafarhyl, sem er veiðistaður númer 26. Meðal þeirra sem voru við veiðar í dag var leigutakinn Matthías Þór Hákonarson og það var einmitt hann sem landaði fyrsta laxinum.

Þeir félagar urðu varir við lax í veiðistað númer 15. „Kom upp í flugu hjá makkernum en hékk ekki á,“ segir Matthías á facebooksíðu sinni.

Losað úr. Vonandi veit þetta á gott upp á framhaldið …
Losað úr. Vonandi veit þetta á gott upp á framhaldið því Mýrarkvísl er þekkt fyrir að vera síðsumarsá. Ljósmynd/MÞH

Þetta er óvenju snemmt fyrir fyrsta laxinn í Mýrarkvísl enda flokkast hún sem hefðbundin síðsumarsá.

Birtingurinn sem veiddist þann 13. á Stöðvarbreiðu.
Birtingurinn sem veiddist þann 13. á Stöðvarbreiðu. ljósmynd/SVFR

Þá greinir Stangaveiðifélag Reykjavíkur frá því að fyrsti nýgengni sjóbirtingurinn á þessari vertíð hafi veiðst í Varmá hinn 13. júní. Það var Sigurður Þór Einarsson sem landaði honum á Stöðvarbreiðu og mældist hann 75 sentímetrar. Haft er eftir Sigurði að hann hafi verið með hjartað í buxunum, enda með púpu númer 14 og átta punda taum. En þetta hafðist.

mbl.is

Seinustu hundraðkallar sumarsins

Lengd á laxi Veiðisvæði Veiðimaður Dagsetning Dags.
100 cm Laxá í Aðaldal Magni Jónsson 2. ágúst 2.8.
100 cm Selá í Vopnafirði Tim Dyer 1. ágúst 1.8.
103 cm Selá í Vopnafirði Erlendur veiðimaður 14. júlí 14.7.
102 cm Laxá í Aðaldal Páll Ágúst Ólafsson 13. júlí 13.7.
104 cm Laxá í Aðaldal Aðalsteinn Jóhannsson 8. júlí 8.7.
100 cm Hólsá, Eystri-bakki Gijs K. Sipestein 6. júlí 6.7.
100 cm Hólsá, Eystri-bakki Ben Sangster 6. júlí 6.7.

Skoða meira