Fyrsti laxinn sem mælist yfir hundrað sentímetrar veiddist í Eystri-Rangá í gær. Laxinn tók í veiðistaðnum Hofsvaði og lét heldur betur finna fyrir sér, að því er kemur fram á facebooksíðu Kolskeggs ehf. sem rekur Eystri-Rangá.
Laxinn mældist 101 sentímetri og var það veiðimaður að nafni Maros Zatko sem setti í þennan hundraðkall. Þetta er þar með annar hundraðkallinn sem veiddist í gær, en jafn langur fiskur veiddist í Laxá í Aðaldal eins og við greindum frá í gær.
Maros er búinn að vera að hnýta sínar eigin flugur síðan hann var ellefu ára. Þessi stórlax tók nafnlausa svarta og appelsínugula buck tail flugu sem hann hnýtti og hannaði sjálfur.
Skráning fyrir allra stærstu laxana, hina svokölluðu hundraðkalla, hefur verið uppfærð á síðu Sporðakasta. 45 slíkir fiskar veiddust í fyrra, eftir því sem Sporðaköst hafa upplýsingar um. Hægt er að nálgast allan listann undir flipanum Hundraðkallar 2021.
Lengd á laxi | Veiðisvæði | Veiðimaður | Dagsetning Dags. |
---|---|---|---|
101 cm | Vatnsdalsá | Erlendur veiðimaður | 29. september 29.9. |
101 cm | Eystri-Rangá | Grzegorz Loszewski | 27. september 27.9. |
105 cm | Hvítá við Iðu | Katrín Tanja Davíðsdóttir | 24. september 24.9. |
101 cm | Víðidalsá | Jón Eðvald Halldórsson | 22. september 22.9. |
107 cm | Grímsá | Jón Jónsson | 22. september 22.9. |
101 cm | Miðfjarðará | Agnar Sigurjónsson | 22. september 22.9. |
101 cm | Hvítá við Iðu | Gunnar Pétursson | 20. september 20.9. |