Ratcliffe með hundraðkall úr Selá

Jim Ratcliffe með stórlaxinn. Jim er úfinn eftir viðureignina sem …
Jim Ratcliffe með stórlaxinn. Jim er úfinn eftir viðureignina sem tók góðan hálftíma. Jim er hávaxinn og afar handstór. Laxinn mældist 100 sentímetrar. Ljósmynd/GÁ

Jim Ratcliffe, auðkýfingur og einn stærsti jarðareigandi í Vopnafirði, landaði hundrað sentímetra löngum laxi í Selá, fyrr í vikunni. Þetta er stærsti laxinn sem veiðst hefur í Selá í sumar og óhætt að segja að þarna hafi mæst tveir stórlaxar.

Fiskurinn tók hjá Ratcliffe í Fosshyl og stóð baráttan í góðan hálftíma, þar sem nokkuð var erfitt um vik við löndun. Honum til aðstoðar var Gísli Ásgeirsson. Flugan sem gaf þennan glæsilega lax var skáskorinn Skuggi.

Laxinn fær frelsi á nýjan leik og heldur á vit …
Laxinn fær frelsi á nýjan leik og heldur á vit félaga sinna í Fosshyl eftir myndatöku með öðrum stórlaxi. Ljósmynd/GÁ

Ratcliffe og fjölskylda hafa verið að veiðum í Selá síðustu daga og eru sextán laxar komnir á land frá opnun. Athygli vekur að af þessum sextán hafa fjórtán tekið skáskorinn Skugga. Fosshylur hefur gefið helming af þessum fiskum.

Hofsá hefur gefið 46 laxa frá opnun en þar hefur ástundun verið mun meiri.

mbl.is

Seinustu hundraðkallar sumarsins

Lengd á laxi Veiðisvæði Veiðimaður Dagsetning Dags.
103 cm Selá í Vopnafirði Erlendur veiðimaður 14. júlí 14.7.
102 cm Laxá í Aðaldal Páll Ágúst Ólafsson 13. júlí 13.7.
104 cm Laxá í Aðaldal Aðalsteinn Jóhannsson 8. júlí 8.7.
100 cm Hólsá, Eystri-bakki Ben Sangster 6. júlí 6.7.
100 cm Blanda Neil Boyd 6. júlí 6.7.
100 cm Hólsá, Eystri-bakki Gijs K. Sipestein 6. júlí 6.7.
102 cm Jökla Nils Folmer Jörgensen 4. júlí 4.7.

Skoða meira