Veiði | mbl | 23.7.2021 | 10:00

Fjölgar í Sunray fjölskyldunni

Shadow light heitir þessi nýja útfærsla af Sundray Shadow. Hér hnýtt á litlar tvíkrækjur. Ljósmynd/Veiðihornið

Enn ein ný útgáfa af Sunray Shadow er fluga dagsins. Hér hnýtt á tvíkrækju en engu að síður afar öflug. Sunray Shadow er ein öflugasta og um leið einfaldasta flottúba í laxveiði. Fyrstur til að hnýta hana var Ray Brooks og veiddi hún fyrstu laxa í ánni Laerdal í Noregi.

Svo öflug þótti flugan að höfundurinn leitaði eftir því að fá einkaleyfi, en því var hafnað. Kannski sem betur fer.

Það má í raun segja að Sunray nafnið standi fyrir heila fjölskyldu af flugum. Til eru ýmis litaafbrigði og stærðir. Jafnvel þyngdar útgáfur og skáskornar. En hér er ný útfærsla.

Ólafur Vigfússon í Veiðihorninu velur flugu dagsins og að þessu sinni er það Shadow light. Hnýtt á tvíkrækju.

„Sunray Shadow hnýtt á smáar tvíkrækjur. Ekkert víst að það klikki þegar strippað er hratt,“ segir Óli um þennan nýja meðlim í Sunray fjölskyldunni

Seinustu hundraðkallar sumarsins

Lengd á laxi	Veiðisvæði	Veiðimaður	Dagsetning Dags.
101 cm	Vatnsdalsá	Erlendur veiðimaður	29. september 29.9.
101 cm	Eystri-Rangá	Grzegorz Loszewski	27. september 27.9.
105 cm	Hvítá við Iðu	Katrín Tanja Davíðsdóttir	24. september 24.9.
101 cm	Víðidalsá	Jón Eðvald Halldórsson	22. september 22.9.
107 cm	Grímsá	Jón Jónsson	22. september 22.9.
101 cm	Miðfjarðará	Agnar Sigurjónsson	22. september 22.9.
101 cm	Hvítá við Iðu	Gunnar Pétursson	20. september 20.9.