Hnúðlax veiðst í þrettán ám í sumar

Þessi hnúðlax veiddist í Eystri-Rangá. Fyrr í mánuðinum. Þetta er …
Þessi hnúðlax veiddist í Eystri-Rangá. Fyrr í mánuðinum. Þetta er hængur sem skartar kryppu. Einnig eru doppur á sporði. Ljósmynd/Aðsend

Hnúðlax hefur veiðst í þrettán ám á Íslandi, sem Sporðaköstum er kunnugt um. Fjórir eru staðfestir í Soginu, þrír í Hofsá í Vopnafirði. Þá hafa veiðst hnúðlaxar í Vatnsdalsá, Laxá í Kjós, Eystri-Rangá, Hvítá í Borgarfirði, Vatnasvæði Lýsu, tveir í Hrútafjarðará og einn veiddist á stöng í Pollinum við Akureyri.

Einnig er staðfest veiði á hnúðlaxi í Norðurá í Borgarfirði og einn slíkur veiddist í Selá í Vopnafirði í gær. Staðfest er að hnúðlax veiddist í Sandá í Þistilfirði og sömuleiðis er einn bókaður í rafrænu veiðibókina fyrir Húseyjarkvísl. Þetta er sú veiði sem staðfest er, en afar líklegt er að þeir séu fleiri og víðar. Sporðaköst hvetja menn til að hafa samband ef þeir veiða slíkan fisk og senda póst á netfangið eggertskula@mbl.is.

Hnúðlaxapar og íslenskur (neðst) úr Eyjafjarðará. Þessir fiskar veiddust 2019 …
Hnúðlaxapar og íslenskur (neðst) úr Eyjafjarðará. Þessir fiskar veiddust 2019 en þegar hefur hnúðlax veiðst í Pollinum á Akureyri. Ljósmynd/Snævarr

Fiskifræðingar bjuggust við stóru hnúðlaxaári hér á landi í sumar. Stofn hnúðlaxa sem kenndur er við oddatöluár hefur farið mjög vaxandi og að sama skapi jókst veiði á honum mjög hér árið 2019, en þá voru skráðir fiskar um 230 en voru einungis nokkrir tugir árið 2017.

Nú er sá tími að fara í hönd þegar mest ber á hnúðlaxinum. Rétt er að benda veiðimönnum á að einfaldasta leiðin til að greina hann frá bæði bleikju og laxi eru doppur á sporði.

mbl.is

Seinustu hundraðkallar sumarsins

Lengd á laxi Veiðisvæði Veiðimaður Dagsetning Dags.
102 cm Víðidalsá/Fitjá Nils Folmer Jörgensen 19. september 19.9.
100 cm Eystri-Rangá Hannes Gústafsson 14. september 14.9.
102 cm Vatnsdalsá Sigurður Héðinn 11. september 11.9.
100 cm Eystri-Rangá Hilmar Ingimundarson 10. september 10.9.
102 cm Víðidalsá/Fitjá Rögnvaldur Örn Jónsson 8. september 8.9.
101 cm Laxá í Aðaldal Nils Folmer Jörgensen 30. ágúst 30.8.
102 cm Kjarrá Jake Elliot 30. ágúst 30.8.

Skoða meira