Margir veiðimenn höfðu samband við Sporðaköst í gær, eftir að óskað var eftir upplýsingum frá veiðifólki um hnúðlaxaveiði í sumar. Þær ár sem bættust við þær þrettán sem þegar hafði verið greint frá, eru: Laxá í Skefilstaðahreppi, Ormarsá, Tungufljót í V-Skaftafellssýslu, Ytri-Rangá og Grímsá.
Arthúr Bogason var að veiða í Ormarsá og landaði tveimur hnúðlöxum og missti þrjá aðra. Sindri Hlíðar Jónsson sendi okkur skeyti og sagðist hafa landað hnúðlaxi í Tungufljóti og misst annan. Þetta var í Bjarnafossi, sem er efsti veiðistaður Tungufljóts.
Eggert Halldórsson landaði hnúðlaxi í Grímsá í gær í Þinganesstrengjum.
Anna Sigurðardóttir sagði frá því að þau hefðu veitt tvo hnúðlaxa í beit í Sandá í Þistilfirði.
Hnúðlax veiddist í Vatnsdalsá í gær í Efri-Ármótum.
Þá fengum við skeyti frá Samúel Samúelssyni sem var að veiða í Straumunum og þeir lönduðu tveimur hnúðlaxahængum.
Staðfest er að einn slíkur er kominn á land í Ytri-Rangá. Samtals hafa hnúðlaxar veiðst á átján vatnasvæðum á Íslandi það sem af er þessu sumri.
Áhugavert væri að heyra frá fleiri veiðimönnum sem veitt hafa hnúðlax í sumar. Slíkar ábendingar má senda á eggertskula@mbl.is
Lengd á laxi | Veiðisvæði | Veiðimaður | Dagsetning Dags. |
---|---|---|---|
101 cm | Vatnsdalsá | Erlendur veiðimaður | 29. september 29.9. |
101 cm | Eystri-Rangá | Grzegorz Loszewski | 27. september 27.9. |
105 cm | Hvítá við Iðu | Katrín Tanja Davíðsdóttir | 24. september 24.9. |
101 cm | Víðidalsá | Jón Eðvald Halldórsson | 22. september 22.9. |
107 cm | Grímsá | Jón Jónsson | 22. september 22.9. |
101 cm | Miðfjarðará | Agnar Sigurjónsson | 22. september 22.9. |
101 cm | Hvítá við Iðu | Gunnar Pétursson | 20. september 20.9. |