Bæði hnúðlax og venjulegur í sama kasti

Eins og við greindum frá fyrr í dag gerðist sá fáheyrði atburður í Selá í vikunni, að tveir laxar veiddust í sama kastinu og það á flugu. Veiðimaðurinn var Vífill Gústafsson og leiðsögumaðurinn sem háfaði þessa tvo fiska var Helgi Þorsteinsson.

Báðir í háfnum og Helgi og Vífill urðu ekki lítið hissa. Ljósmynd/VG

Sporðaköst föluðust eftir myndum frá þeim félögum og var það auðsótt mál. Á myndunum sést vel hvernig hnúðlaxinn festi tennurnar í túbunni, en þríkrækjan sat í hefðbundna laxinum.

Sunray túban er í kjaftinum á hnúðlaxinum en sá venjulegi sat uppi með þríkrækjuna. Ljósmynd/VG

Það er ekki bara magnað að fá tvo laxa á í einu kasti en ekki síður er merkilegt að fá tvær tegundir og landa þeim.

• Blogga um frétt

Seinustu hundraðkallar sumarsins