Stórfiskasería í Eldvatni þegar rigndi

Tvær stangir að glíma við birtinga á sama tíma. Rigningin …
Tvær stangir að glíma við birtinga á sama tíma. Rigningin kom öllu af stað fyrir austan. Ljósmynd/JHK

Eftir rólega byrjun í Eldvatni í Meðallandi kom loksins rigning. Það var ekki spyrja að því að fiskur hreyfði sig og veiðimenn nutu góðs af því.

„Það er alveg klárt að langþráð rigning kom Eldvatninu loksins í gang. Tveggja daga holl endaði í sautján fiskum og voru margir vænir. Feðgarnir Haukur og Þórður toppuðu túrinn með því að taka sitt hvorn 89 sentímetra sjóbirtinginn í morgun,“ sagði Jón Hrafn Karlsson einn af leigutökum Eldvatnsins í samtali við Sporðaköst í gær.

Keaton McEvoy og Haukur Þórðarson með tvo sem þau lönduðu …
Keaton McEvoy og Haukur Þórðarson með tvo sem þau lönduðu á sama tíma í Símastreng. Haukur er með 89 sentímetra fisk. Ljósmynd/JHK

Þeir veiðimenn sem tóku við í gær eftir hádegi voru strax í fiski og það leynir sér ekki að stór fiskur er á ferðinni. Átta fiskar sem eru áttatíu sentímetrar eða meira hafa veiðst síðustu tvo daga. Seinnipartsvaktin í gær gaf fimmtán fiska þegar upp var staðið.

Þorgeir Þorgeirsson með áttatíu sentímetra úr Símastreng, sem hefur verið …
Þorgeir Þorgeirsson með áttatíu sentímetra úr Símastreng, sem hefur verið heitasti veiðistaðurinn síðustu daga í Eldvatni. Ljósmynd/JHK

Straumflugur og Sunray shadow hafa verið að virka vel. Veiðistaðurinn Símastrengur hefur gefið mest af fiski og ljóst að þar er töluverður bunki af fiski.

Keaton McEvoy með enn einn úr Símastreng og enn einn …
Keaton McEvoy með enn einn úr Símastreng og enn einn í þessum stærðarflokki. Ljósmynd/JHK

„Fiskurinn heldur sig enn frekar neðarlega en er þó farinn að sýna sig alveg upp í veiðistaðinn Feðga en við lönduðum fiski þar og í Hvannkeldu, Þórðavörðu og Símastreng,“ sagði Jón Hrafn.

Alexander Stefánsson með enn einn 80 kallinn úr Eldvatninu.
Alexander Stefánsson með enn einn 80 kallinn úr Eldvatninu. Ljósmynd/JHK

Eins og við greindum frá í gær þá gerði rigningin góða hluti í Tungufljóti sem er í nágrenni við Eldvatn. Líklegt er að aðrar sjóbirtingsár á svæðinu í kringum Kirkjubæjarklaustur taki nú almennilega við sér.

mbl.is

Seinustu hundraðkallar sumarsins

Lengd á laxi Veiðisvæði Veiðimaður Dagsetning Dags.
102 cm Víðidalsá/Fitjá Nils Folmer Jörgensen 19. september 19.9.
100 cm Eystri-Rangá Hannes Gústafsson 14. september 14.9.
102 cm Vatnsdalsá Sigurður Héðinn 11. september 11.9.
100 cm Eystri-Rangá Hilmar Ingimundarson 10. september 10.9.
102 cm Víðidalsá/Fitjá Rögnvaldur Örn Jónsson 8. september 8.9.
101 cm Laxá í Aðaldal Nils Folmer Jörgensen 30. ágúst 30.8.
102 cm Kjarrá Jake Elliot 30. ágúst 30.8.

Skoða meira