Snorri Rafnsson, eða Vargurinn eins og hann kallar sig, gerði hörkugæsaveiði í Skagafirði nýlega. Snorri og félagi hans Elvar Örn Birgisson skutu 84 gæsir á einum morgni. Hundurinn Jarfi var þeim til aðstoðar og sótti fallna fugla.
„Þetta var mjög skipulögð veiði hjá okkur félögunum. Byrgið var gott og við náðum að fela okkur vel. Við vorum búnir að skoða þetta vel daginn áður og það var hluti af því að gefa okkur þessa góðu veiði,“ sagði Vargurinn í samtali við Sporðaköst eftir vel heppnaða veiðiferð í Skagafjörð.
Snorri segir að það hafi verið nokkuð sérstakt að um áttatíu prósent af aflanum hafi verið heiðagæs. „Þær komu ákveðnar inn á stykkið og við vorum að nýta þá hópa mjög vel. Grágæsin var miklu styggari og okkur gekk ekki jafn vel með hana, enda var nánast logn.“
Snorri Vargur segir að þeir félagar hafi verið með bæði góð skot og vopn og báðir eru þeir félagar virkilega vanar skyttur.
Snorri Rafnsson er mjög virkur á samfélagsmiðlum og sýnir þar reglulega frá sinni veiði. Hægt er að fylgjast með honum á Snapchat undir merkjunum thewestviking á Instagram.com. Snorri deilir miklu veiðiefni og er skylduáskrift fyrir veiðimenn.
Lengd á laxi | Veiðisvæði | Veiðimaður | Dagsetning Dags. |
---|---|---|---|
101 cm | Vatnsdalsá | Erlendur veiðimaður | 29. september 29.9. |
101 cm | Eystri-Rangá | Grzegorz Loszewski | 27. september 27.9. |
105 cm | Hvítá við Iðu | Katrín Tanja Davíðsdóttir | 24. september 24.9. |
101 cm | Víðidalsá | Jón Eðvald Halldórsson | 22. september 22.9. |
107 cm | Grímsá | Jón Jónsson | 22. september 22.9. |
101 cm | Miðfjarðará | Agnar Sigurjónsson | 22. september 22.9. |
101 cm | Hvítá við Iðu | Gunnar Pétursson | 20. september 20.9. |