Þriðja verkið í ritröð Haugsins

Sigurður Héðinn, eða Haugurinn eins og hann er oftast kallaður, …
Sigurður Héðinn, eða Haugurinn eins og hann er oftast kallaður, með stórlaxinn úr Hnausastreng. Þessi mældist 102 sentímetrar og er sá stærsti sem veiddist í Vatnsdal í sumar. Nú er hann búinn að landa þriðju bókinni sem kemur senn í verslanir. Ljósmynd/HH

Þriðja bókin í laxveiðiritröð Sigurðar Héðins, eða Haugsins eins og hann er jafnan kallaður, er á leið í búðir. Þessi heitir því dramatíska nafni, Veiði, von og væntingar. Fyrsta bókin hét Af flugum, löxum og mönnum. Í fyrra kom út Sá stóri, sá missti og sá landaði.

Eins og með fyrri bækur Haugsins er það Drápa sem gefur út og þar heldur um stjórnartaumana veiðitvíburinn Ásmundur Helgason. Sporðaköst spurðu hann um hvað þessi bók væri. „Siggi fer yfir veiðitækni,andstreymisveiði, kasta undir horni, losað úr fiski, fiski landað svo eitthvað sé nefnt. Hann sýnir meira en fimmtíu flugur sem hver heiðvirður laxveiðimaður og hver laxveiðikona þarf að kunna skil á og auðvitað fylgja dæmisögur, veiðisögur og ýkjusögur,“ sagði Ási.

Kápan er í sama stíl og fyrri bækur. Einföld og …
Kápan er í sama stíl og fyrri bækur. Einföld og stílhrein. Ljósmynd/Drápa

Sigurður Héðinn segist hafa mjög gaman af þessum ritstörfum, en hann hefur verið viðloðandi stangaveiði áratugum saman, sem leiðsögumaður, fluguhönnuður og hnýtari og nú hin síðari ár einnig sem rithöfundur og verslunarrekandi.

Þessar fyrri tvær bækur hafa sem sagt gengið mjög vel?

Ja. Alla vega þannig að það þótti ástæða til að koma með nýja og svo er þetta svo gaman,“ svaraði Sigurður Héðinn.

Bókin er væntanleg í verslanir þegar líður á nóvember.

mbl.is

Seinustu hundraðkallar sumarsins

Lengd á laxi Veiðisvæði Veiðimaður Dagsetning Dags.
100 cm Fossá Guðbjörn Gunnarsson 1. október 1.10.
101 cm Víðidalsá Nils Folmer Jörgensen 26. september 26.9.
104 cm Laxá í Dölum Sigurður Smárason 25. september 25.9.
100 cm Miðfjarðará Róbert G. Grímsson 24. september 24.9.
104 cm Stóra Laxá Rúnar Gauti Guðjónsson 23. september 23.9.
102 cm Víðidalsá/Fitjá Nils Folmer Jörgensen 19. september 19.9.
100 cm Eystri-Rangá Hannes Gústafsson 14. september 14.9.

Skoða meira