Aðeins fjórar rjúpur á hvern veiðimann

Rjúpnaveiðimenn eru hvattir til að sýna mikla hófsemi í veiðum …
Rjúpnaveiðimenn eru hvattir til að sýna mikla hófsemi í veiðum í ár. Samkvæmt mati Náttúrufræðistofnunar er veiðiþol stofnsins ekki nema 20 þúsund fuglar. Það gerir um fjórar rjúpur á veiðimann. Golli / Kjartan Þorbjörnsson

Samkvæmt mati Náttúrufræðistofnunar Íslands er veiðistofn rjúpu haustið 2021, 248 þúsund fuglar. Veiðiþolið er metið 20 þúsund fuglar, eða 9% af veiðistofni. Stofnunin hefur kynnt Umhverfisstofnun þessa niðurstöðu.

Veiðistofninn var á sama tíma í fyrra metinn 280 þúsund fuglar og lagði Náttúrufræðistofnun þá til að heildarveiði yrði ekki meiri en 25 þúsund fuglar.

Breytingin sem varð milli áranna 2019 og 2020 var allt að því dramatísk. Náttúrufræðistofnun mat veiðistofn haustið 2019 upp á 820 þúsund fugla og taldi veiði ekki mega verða meiri en 72 þúsund rjúpur.

Fyrsti dagur veiðitímans er samkvæmt reglugerð Umhverfis- og auðlindaráðuneytis, mánudagurinn …
Fyrsti dagur veiðitímans er samkvæmt reglugerð Umhverfis- og auðlindaráðuneytis, mánudagurinn 1. nóvember. mbl.is/Kristinn Magnússon

Viðkomubrestur varð hjá rjúpu sumarið 2020 um allt norðanvert landið og er hann rakinn til hrakviðris sem varð um miðjan júlí og gætti frá Strandasýslu í vestri og austur um landið til Norður Þingeyjarsýslu. 

Stofn rjúpu hefur vart mælst minni en nú í haust. Að því gefnu eru veiðimenn hvattir til að sýna mikla hófsemi og veiða helst ekki nema fjórar rjúpur á mann. Sú ráðgjöf var fimm fuglar í fyrra.

Umhverfisstofnun tekur ákvörðun um fyrirkomulag veiða á rjúpu, en nú er í gildi reglugerð sem sett var af Umhverfis- og auðlindaráðherra haustið 2019, þar sem ákveðið var að veiðitími yrði 22 dagar í þrjú ár. Þetta haust er síðasta árið sem reglugerðin tekur til og má því fastlega reikna með að veiðitíminn hefjist 1. nóvember og verði með sama sniði og síðustu tvö ár. Veiði hefur verið leyfð alla daga í nóvember að undanskyldum miðvikudögum og fimmtudögum. Samkvæmt þessu er fyrsti veiðidagur á rjúpu mánudagurinn 1. nóvember og sá síðasti þriðjudagurinn 30. nóvember, eða samtals 22 dagar.

Áfram er í gildi sölubann á rjúpu og rjúpnaafurðum og aldrei frekar en nú eru veiðimenn hvattir til hófsemi og veiða eingöngu fyrir eigin þarfir.

mbl.is

Seinustu hundraðkallar sumarsins

Lengd á laxi Veiðisvæði Veiðimaður Dagsetning Dags.
100 cm Fossá Guðbjörn Gunnarsson 1. október 1.10.
101 cm Víðidalsá Nils Folmer Jörgensen 26. september 26.9.
104 cm Laxá í Dölum Sigurður Smárason 25. september 25.9.
100 cm Miðfjarðará Róbert G. Grímsson 24. september 24.9.
104 cm Stóra Laxá Rúnar Gauti Guðjónsson 23. september 23.9.
102 cm Víðidalsá/Fitjá Nils Folmer Jörgensen 19. september 19.9.
100 cm Eystri-Rangá Hannes Gústafsson 14. september 14.9.

Skoða meira