Ein af rómuðustu laxveiðiánum okkar hér á Íslandi er Vatnsdalsá. Mikið fljót og svæðið allt ríkt af sögu. Þegar heimildamyndin Síðustu sporðaköstin var tekin upp í fyrrasumar var einn af viðkomustöðunum Vatnsdalur.
Þetta var á töluverðum tímamótum í veiðisögu Vatnsdælinga. Pétur Pétursson sem hefur verið samofin veiðinni í dalnum var að kveðja og afhenda arftaka sínum keflið. Það var því töluverð pressa á Birni K. Rúnarssyni, eða Bjössa í Vatnsdal að setja í lax fyrir myndavélarnar.
Bjössi var ekki lengi til svars þegar hann var spurður hvert hann vildi fara. „Við förum í Álkuna. Upp í Úlfsfoss,“ var svarið.
Með fimm myndavélar að vopni var haldið í hliðará Vatnsdalsár. Bjössi var fullur sjálfstrausts í það minnsta á yfirborðinu. Og við héldum upp í Úlfsfoss. Afraksturinn og kveðjustundina með Pétri má sjá í myndskeiðinu sem fylgir fréttinni. Steingrímur Jón Þórðarson sá um kvikmyndatöku og klippingu. Þetta er myndskeið er hluti úr heimildamyndinni Síðustu sporðaköstin, sem er aðgengileg í fullri lengd, á efnisveitum Símans og Sýnar.
Njótið sumarsins og veðurblíðunnar sem einkennir þetta myndbrot, á þessum stystu dögum ársins.
Lengd á laxi | Veiðisvæði | Veiðimaður | Dagsetning Dags. |
---|---|---|---|
101 cm | Vatnsdalsá | Erlendur veiðimaður | 29. september 29.9. |
101 cm | Eystri-Rangá | Grzegorz Loszewski | 27. september 27.9. |
105 cm | Hvítá við Iðu | Katrín Tanja Davíðsdóttir | 24. september 24.9. |
101 cm | Víðidalsá | Jón Eðvald Halldórsson | 22. september 22.9. |
107 cm | Grímsá | Jón Jónsson | 22. september 22.9. |
101 cm | Miðfjarðará | Agnar Sigurjónsson | 22. september 22.9. |
101 cm | Hvítá við Iðu | Gunnar Pétursson | 20. september 20.9. |