Einhver magnaðasta veiðiaðferð í laxi er sýna honum bombera. Það eru stórar þurrflugur sem skauta í yfirborðinu. Leiðsögumaðurinn Gary Champion fór með veiðimenn upp í Austurá í Miðfirði í fyrrasumar og kynnti þá fyrir þessari veiðiaðferð.
Við höldum áfram að fylgjast með Netflix stjörnunum úr The Vikings. Og nú bætist Ragga Ragnars í hópinn en hún lék Gunnhildi drottningu í þáttunum, við góðan orðstír. Hún reynir hér að ná í sinn fyrsta lax með Gary og Peter Franzen sem lék Harald hárfagra í þáttaröðinni.
Það er skemmst frá því að segja að það varð allt vitlaust í hylnum þegar bomberarnir komu út í og það við aðstæður þegar nánast engin taka var í ánni.
Sem fyrr var það Steingrímur Jón Þórðarson sem sá um klippingu en Friðrik Þór Halldórsson annaðist kvikmyndatöku.
Myndbrotið er út heimildamyndinni Síðustu sporðaköstin sem tekin var upp í fyrrasumar og er aðgengileg í heild sinni á efnisveitum Símans og Sýnar.
Lengd á laxi | Veiðisvæði | Veiðimaður | Dagsetning Dags. |
---|---|---|---|
101 cm | Vatnsdalsá | Erlendur veiðimaður | 29. september 29.9. |
101 cm | Eystri-Rangá | Grzegorz Loszewski | 27. september 27.9. |
105 cm | Hvítá við Iðu | Katrín Tanja Davíðsdóttir | 24. september 24.9. |
101 cm | Víðidalsá | Jón Eðvald Halldórsson | 22. september 22.9. |
107 cm | Grímsá | Jón Jónsson | 22. september 22.9. |
101 cm | Miðfjarðará | Agnar Sigurjónsson | 22. september 22.9. |
101 cm | Hvítá við Iðu | Gunnar Pétursson | 20. september 20.9. |