Bresku feðgarnir Charles og Alex Jardin lentu í mögnuðu veiðiævintýri á fyrstu dögum júnímánaðar í ánni Skarðsá í námunda við Möðrudal. Þeir opnuðu ána og það í vetrarveðri þar sem af og til snjóaði á þá.
Skarðsá er þekkt fyrir stórar bleikjur og þær stóðu svo sannarlega undir væntingum þeirra feðga. Landslagið er hrikalegt enda rennur Skarðsá um svarta sanda íslenska hálendisins. Hin hráa fegurð minnti þá feðga á sögusvið Hringadróttinssögu, eða landið Mordor þar sem Sauron hinn illi hélt til.
Við grípum niður í þáttinn þegar Charles prufar nýjan veiðistað ofarlega ánni.
Við munum á næstu dögum skoða fleiri eftirminnileg myndbrot úr Sporðkastaseríum síðustu ára.
Steingrímur Jón Þórðarson sá um kvikmyndatöku og klippingu.
Lengd á laxi | Veiðisvæði | Veiðimaður | Dagsetning Dags. |
---|---|---|---|
101 cm | Vatnsdalsá | Erlendur veiðimaður | 29. september 29.9. |
101 cm | Eystri-Rangá | Grzegorz Loszewski | 27. september 27.9. |
105 cm | Hvítá við Iðu | Katrín Tanja Davíðsdóttir | 24. september 24.9. |
101 cm | Víðidalsá | Jón Eðvald Halldórsson | 22. september 22.9. |
107 cm | Grímsá | Jón Jónsson | 22. september 22.9. |
101 cm | Miðfjarðará | Agnar Sigurjónsson | 22. september 22.9. |
101 cm | Hvítá við Iðu | Gunnar Pétursson | 20. september 20.9. |