Fyrsti nýgengni laxinn 2022

Írski veiðimaðurinn Garrett Bryne með fyrsta Atlantshafslaxinn sem vitað er …
Írski veiðimaðurinn Garrett Bryne með fyrsta Atlantshafslaxinn sem vitað er um árið 2022. Þessi er nýgenginn og veiddist í ánni Drowes á Írlandi. Ljósmynd/GB

Fyrsti nýgengni Atlantshafslax ársins veiddist í dag rétt eftir hádegi í írsku ánni Drowes. Nokkrar laxveiðiár bæði á Írlandi og einnig í Skotlandi hafa opnað fyrir veiði og sá fyrsti kom á land í dag eins og fyrr segir. Það var Garrett Bryne írskur veiðimaður sem setti í og landaði þessum fallega tólf punda laxi.

Veiðistaðurinn heitir Eel Weir og veiðisvæðið nefnist Lareen. Garrett sagði í samtali við Sporðaköst í kvöld að viðureignin hefði tekið rúmar tíu mínútur og verið snörp. „Ég var búinn að landa tveimur niðurgöngulöxum en svo kom þessi og það leyndi sér ekki að hann var alvöru nýrenningur,“ sagði Garrett.

Hann bauðst til að senda okkur mynd af flugunni og birtist hún hér með fréttinni. Þetta er rækju eftirlíking með þyngdum haus og augum.

Flugan sem laxinn tók. Þessi gæti svo sannarlega virkað hér …
Flugan sem laxinn tók. Þessi gæti svo sannarlega virkað hér líka. Laxinum var sleppt. Ljósmynd/GB

Aðspurður hvort þetta væri óvenju snemmt fyrir fyrsta nýgengna laxinn vildi hann ekki meina það. Þetta væri hefðbundinn tími. „Hins vegar vakti athygli hvað hann var stór og nokkrir veiðimenn nefndu það sérstaklega við mig.“

Laxinum var sleppt og Garrett tekur við tveimur bikurum vegna þessa. Í fyrsta lagi er það bikar sem afhentur er þeim veiðimanni sem landar fyrsta laxinum og þá er einnig veittur bikar fyrir fyrsta laxinn sem sleppt er í ánni Drowes. Garrett landaði þeim báðum með þessum happadrætti.

Sjatnandi vatn er í Drowes og hitastig árinnar var sjö gráður þegar laxinn tók. Búist er við fyrstu löxunum úr skoskum ám um helgina. Íslenskir veiðimenn þurfa ekki að bíða nema í fjóra mánuði eftir að kasta fyrir fyrstu laxana.

mbl.is

Seinustu hundraðkallar sumarsins

Lengd á laxi Veiðisvæði Veiðimaður Dagsetning Dags.
100 cm Fossá Guðbjörn Gunnarsson 1. október 1.10.
101 cm Víðidalsá Nils Folmer Jörgensen 26. september 26.9.
104 cm Laxá í Dölum Sigurður Smárason 25. september 25.9.
100 cm Miðfjarðará Róbert G. Grímsson 24. september 24.9.
104 cm Stóra Laxá Rúnar Gauti Guðjónsson 23. september 23.9.
102 cm Víðidalsá/Fitjá Nils Folmer Jörgensen 19. september 19.9.
100 cm Eystri-Rangá Hannes Gústafsson 14. september 14.9.

Skoða meira