Félögum fjölgar í SVFR og met afkoma

Stjórn Stangaveiðifélags Reykjavíkur árið 2022 ásamt formanni. Þau höfðu ástæðu …
Stjórn Stangaveiðifélags Reykjavíkur árið 2022 ásamt formanni. Þau höfðu ástæðu til að brosa. Félögum fjölgaði um 130 á nýliðnu ári og reksturinn skilaði góðum hagnaði. Ljósmynd/SVFR

Stjórn SVFR var endurkjörin á aðalfundi félagsins, sem haldinn var í dag. Í ávarpi sínu á fundinum sagði Jón Þór Ólason, formaður SVFR, að á síðasta starfsári hafi starfið gengið vonum framar þrátt fyrir minni laxgengd en vonir stóðu til.

Hann sagði raunar frábært rekstrarár að baki og með samstilltu átaki hefði tekist að snúa vörn í sókn og niðurstaðan væri sérstaklega ánægjuleg – besta rekstrarafkoma félagsins frá upphafi. Hagnaður félagsins á nýliðnu ári var 44,1 milljón króna. Þá rakti formaður helstu verkefni stjórnarinnar. Fór yfir sölutölur, samskipti við veiðiréttarhafa og endurnýjun samninga um veiðisvæði og fleira.

Jón Þór sagði útlitið fyrir þetta ár gott. Mikil aðsókn væri í veiðileyfi SVFR og mikil vinna undanfarinna ára væri að skila sér í betri rekstri, skýrari ferlum og sterkara félagi. Færði hann öllum hlutaðeigandi þakkir fyrir það mikla starf og sérstaklega starfsfólki á skrifstofu félagsins. Formaður greindi frá fjölgun félagsmanna, sem kom nokkuð á óvart í ljósi þess að félagsstarfið hefur liðið mjög fyrir heimsfaraldur undanfarin tvö ár. Félagsmönnum fjölgaði um 130 milli ára.

Þeir stjórnarmenn sem voru endurkjörnir til tveggja ára eru: Trausti Hafliðason, Halldór Jörgensen og Hrannar Pétursson. Aðrir í stjórn eru: Helga Jónsdóttir, Lára Kristjánsdóttir og Ragnheiður Thorsteinsson.

Heyra mátti á formanni og stjórnarmönnum að miklar væntingar eru hins vegar bundnar við næstu misseri, þar sem félagsstarfið getur hafist að nýju undir forystu nýrrar viðburðanefndar sem mun samstilla viðburði og gegna lykilhlutverki í félagsstarfinu.

Fyrr í dag bárust einmitt fréttir af því að Fræðslukvöld Stangó hefjast á nýjan leik í þessari viku. Fyrsta kvöldið verður haldið næstkomandi fimmtudag á Ölveri og munu þar Pálmi Gunnarsson tónlistamaður og Hrafn H. Hauksson, einn af þessum ungu snillingum í veiðinni, tala um sjóbirtinginn. Víst er að báðir þessir hafa úr djúpum brunni að ausa. Húsið opnar klukkan 20 og eru allir velkomnir.

mbl.is

Seinustu hundraðkallar sumarsins

Lengd á laxi Veiðisvæði Veiðimaður Dagsetning Dags.
101 cm Lagarfljót Jóhannes Sturlaugsson 2. október 2.10.
100 cm Stóra - Laxá Vigfús Björnsson 30. september 30.9.
102 cm Laxá í Aðaldal Aðalsteinn Jóhannsson 19. september 19.9.
103 cm Víðidalsá Rob Williams 17. september 17.9.
101 cm Stóra - Laxá Jim Ray 16. september 16.9.
102 cm Víðidalsá Svanur Gíslason 15. september 15.9.
101 cm Miðfjarðará Stebbi Lísu 14. september 14.9.

Skoða meira