Fjórir menn voru myndaðir við að vitja um net rétt fyrir utan ós Korpu í Reykjavík, nú um helgina. Þeir voru á gúmmíbát og sáust greinilega draga upp net og um borð í bátinn. Snemma í myndbandinu sést að þeir fengu í það minnsta einn fisk í netið en ekki er hægt að greina hvers konar fiskur það var.
Korpa er laxveiðiá og opnar fyrir veiði síðar í mánuðinum. Sporðaköst settu sig í samband við lögreglustöðina á Vínlandsleið í Grafarholti og þar fékkst staðfest að málið væri til skoðunar. Þegar spurt var hvort málið væri til rannsóknar, var ítrekað að það væri til „skoðunar“ svo vitnað sé orðrétt í orð lögreglumanns sem varð fyrir svörum.
Talsmaður Stangveiðifélags Reykjavíkur, sem er með ána á leigu og annast rekstur í kringum hana, sagði að málið varðaði við landslög en vísaði að öðru leyti alfarið á lögregluna.
Fjórmenningarnir voru vopnaðir veiðistöngum eins og sést í myndbandinu en það sem vakti athygli er netaveiðin, enda skilningur þeirra sem Sporðaköst ræddi við um málið í morgun að það athæfi væri fjarri því að vera löglegt.
Myndskeiðið sem fylgir fréttinni hefur verið komið til lögreglu og er væntanlega verið að skoða það einnig.
Lengd á laxi | Veiðisvæði | Veiðimaður | Dagsetning Dags. |
---|---|---|---|
101 cm | Vatnsdalsá | Erlendur veiðimaður | 29. september 29.9. |
101 cm | Eystri-Rangá | Grzegorz Loszewski | 27. september 27.9. |
105 cm | Hvítá við Iðu | Katrín Tanja Davíðsdóttir | 24. september 24.9. |
101 cm | Víðidalsá | Jón Eðvald Halldórsson | 22. september 22.9. |
107 cm | Grímsá | Jón Jónsson | 22. september 22.9. |
101 cm | Miðfjarðará | Agnar Sigurjónsson | 22. september 22.9. |
101 cm | Hvítá við Iðu | Gunnar Pétursson | 20. september 20.9. |