Krókódíllinn í Túnhyl í Miðfirði

Þegar sumarið er að renna sitt skeið á enda upphefst svokallaður krókódílatími í laxveiðinni. Blessunarlega er langt í hann en þetta er tími stóru hænganna. Þeir eru þá búnir að taka mikinn lit og orðnir vígalegir. Baráttan um hrygnurnar stendur sem hæst og þá eykst oft tökugleðin.

Hér getur að líta viðureign við einn slíkan krókódíl í Túnhyl í Vesturá í Miðfirði. Það er Marina Gibson og móðir hennar Joanna sem veiða, undir leiðsögn Rafns Vals Alfreðssonar leigutaka. Þetta er lokasenan úr Sporðakastaþætti sem tekin var upp sumarið 2019 og sýndur á Stöð 2 vorið 2020.

Marina slóst þarna við einn stærsta lax sem hún hafði sett í um ævina. 

Myndataka og klipping var í höndum Steingríms Jóns Þórðarsonar.

• Blogga um frétt

Seinustu hundraðkallar sumarsins