Víða fiskur en hvasst, kalt og blautt

Með birtinginn úr Þórisstaðavatni sem tók silfraðan Toby. Anna M. …
Með birtinginn úr Þórisstaðavatni sem tók silfraðan Toby. Anna M. Hálfdanardóttir fékk þennan. Þau uðru vör við fleiri fiska en þetta var sá eini sem kom í bátinn. Tæp sjö pund og 68 sentímetrar. Ljósmynd/AMH

Þrátt fyrir nokkurt bakslag í vorinu um helgina þá voru silungsveiðimenn víða á ferli í gær. Veiðifólk var að uppskera og við ræddum við nokkra sem lönduðu fallegum fiskum. Í Þórisstaðavatni fékk Anna M. Hálfdanardóttir flottan sjóbirting á silfraðan Toby. Hann var um sjö pund og 68 sentímetrar.

Anna sagði í samtali við Sporðaköst að þeim hefði þótt þetta dræmt. Fóru aðeins á föstudagskvöldið og tóku svo tíma í gærmorgun og þá kom þessi fallegi sjóbirtingur. „Við urðum aðeins vör við fleiri fiska en þetta var sá eini sem við náðum. Við höfum ekki farið snemma vors áður í vatnið,“ upplýsti hún.

Þórisstaðavatn er eitt af þremur vötnum í Svínadal og er hluti af vatnakerfi Laxár í Leirársveit og þangað gengur lax og sjóbirtingur en uppistaðan af veiðinni er staðbundinn bleikja og urriði.

Bleikjan hans Guðjóns úr Vatnskoti á Þingvöllum. Hún tók Krókinn …
Bleikjan hans Guðjóns úr Vatnskoti á Þingvöllum. Hún tók Krókinn númer tólf og mældist 49 sentímetrar. Feit og flott sílableikja. Ljósmynd/GÞÞ

Guðjón Þór Þórarinsson fór í Þingvallavatn í gær og náði einni fallegri bleikja í Vatnskoti. „Já. Ég fékk þessa á Krókinn númer tólf í miklu ölduróti en það var hvasst þarna,“ sagði Guðjón í samtali við Sporðaköst. Hann varð ekki var við fisk á svæðinu fyrir utan þessa fallegu bleikju. „Maður sér náttúrulega ekkert í þessu róti en ég en ég held að þurfi að hlýna aðeins. Bæði vantar nokkrar gráður í lofthita og vatnið var býsna kalt. En þetta fer að koma. Allavega segir dagatalið það.“ Hann sagðist aðeins hafa séð einn veiðimann við vatnið í gærmorgun og var sá að kasta á Öfugsnáða.

Guðjón eða Gaui er sérlega áhugasamur í Úlfljótsvatn eða Úlfinn eins og hann kallar vatnið. Sonur hans náði fallegri bleikju þar  í vikunni og tók hún Krókinn líka.

Bleikjuveiði úr Elliðavatni í gær.
Bleikjuveiði úr Elliðavatni í gær. Ljósmynd/Veiðikortið

Fram til þessa hefur hið vinsæla svæði Hraunsfjörður ekki verið að gefa nema örfáa fiska. Það er kannski ekki skrítið eftir virkilega kaldan aprílmánuð þar sem var reglulega næturfrost.

Elliðavatn og Vífilsstaðavatn hafa bæði verið að gefa ágæta veiði og þá sérstaklega það fyrr nefnda en þaðan hafa veiðimenn verið duglegir að deila myndum af samfélagsmiðlum.

Framundan er vætutíð og ekkert sérlega hýtt á landinu. Þá er bara að klæða sig aðeins betur og jafnvel fara bara stutt í einu.

mbl.is

Seinustu hundraðkallar sumarsins

Lengd á laxi Veiðisvæði Veiðimaður Dagsetning Dags.
101 cm Vatnsdalsá Erlendur veiðimaður 29. september 29.9.
101 cm Eystri-Rangá Grzegorz Loszewski 27. september 27.9.
105 cm Hvítá við Iðu Katrín Tanja Davíðsdóttir 24. september 24.9.
101 cm Víðidalsá Jón Eðvald Halldórsson 22. september 22.9.
107 cm Grímsá Jón Jónsson 22. september 22.9.
101 cm Miðfjarðará Agnar Sigurjónsson 22. september 22.9.
101 cm Hvítá við Iðu Gunnar Pétursson 20. september 20.9.

Skoða meira

Fleira áhugavert
Fleira áhugavert