Tveir af Íslands öflugustu stangveiðimönnum leiða í dag saman hesta sína og ræða stöðuna í veiðinni. Þeir eru af hvorri kynslóðinni fyrir sig og þeim greinir verulega á um ágæti þess fyrirkomulags að veiða og sleppa. Þetta eru þeir Sigþór Steinn Ólafsson og Einar Páll Garðarsson.
Þeir eru á öndverðum meiði þegar kemur að veiðinni og má segja að báðir séu þeir börn síns tíma. Palli vill fá að taka með sér fisk þegar hann fer að veiða. Sigþór Steinn segir laxinn í útrýmingarhættu og vill helst sjá að öllum laxi sé sleppt.
Þeir taka hina klassísku umræðu um verð á veiðileyfum. Palli segir þetta mjög einfalt. Laxveiðidagur ætti ekki að kosta meira en hundrað þúsund krónur á besta tíma. Þá ræða þeir breytingar á veiðireglum sem eru að ryðja sér til rúms, þar sem eingöngu er heimilt að veiða með flotlínum og á smáar flugur. Virkar það líka á haustin?
Hér er á ferðinni áhugavert spjall fyrir veiðifólk þar sem tveir reyndir veiðimenn fara yfir sviðið. Klukkutími af spjalli sem allir munu hafa skoðanir á.
Lengd á laxi | Veiðisvæði | Veiðimaður | Dagsetning Dags. |
---|---|---|---|
102 cm | Hvítá við Iðu | Ársæll Þór Bjarnason | 19. september 19.9. |
101 cm | Víðidalsá | Stefán Elí Stefánsson | 4. september 4.9. |
101 cm | Laxá í Dölum | Hafþór Jónsson | 27. ágúst 27.8. |
102 cm | Haukadalsá | Ármann Andri Einarsson | 23. ágúst 23.8. |
103 cm | Laxá í Aðaldal | Birgir Ellert Birgisson | 12. ágúst 12.8. |
103 cm | Miðsvæði Laxá í Aðaldal | Máni Freyr Helgason | 11. ágúst 11.8. |
101 cm | Laxá í Aðaldal | Agnar Jón Ágústsson | 10. ágúst 10.8. |