Er Ratcliffe að ýta Íslendingunum út?

Sporðaköst hér á mbl.is gera upp veiðisumarið sem nú er liðið, næstu vikurnar. Fyrsti gestur í þessari upprifjun er Gísli Ásgeirsson, framkvæmdastjóri Six Rivers Iceland sem sir Jim Ratcliffe á. Fyrir utan umfjöllunina um veiðisumarið, bæði á landsvísu og í ám Six Rivers tökum við fyrir stöðu Ratcliffe og þá umræðu sem orðið hefur um hann. Gísli Ásgeirsson svarar þar ýmsum álitamálum og gagnrýni sem hefur komið fram. Fyrirsögn greinarinnar vitnar einmitt í eina af þeim spurningum.

Gísli kemur víða við og ræðir endalok laxveiðinnar, sem vísindamenn spá að verði seint á þessari öld. Hann svarar einnig spurningum sem lúta að því að Six Rivers hefur hug á taka fleiri ár á leigu hér á landi.

Skyldu leiðsögumenn í ám Six Rivers ber líka á góma en þar hafa ýmsir talað um veiðilöggur.

Manchester United ber einnig á góma og Gísli telur einsýnt að komi liðið til Íslands og spili hér æfingaleik þá mun sá leikur fara fram á Vopnafirði en ekki á Laugardalsvelli. Það yrði forvitnilegur leikur. Manchester United gegn Einhverja.

Hér er á ferðinni fimmtíu mínútna langt viðtal við Gísla þar sem horft er til veiðisumarsins á Íslandi í sumar sem leið. Six Rivers árnar eru skoðaðar en mesta púðrið fer í Ratcliffe og umræðuna um þennan valdamikla mann. 

Gísli segist skilja það að ákveðin tortryggni spretti upp þegar svo aflmikill maður hreiðrar um sig á Íslandi. Viðskiptaveldi Ratcliffe veltir ellefuföldum fjárlögum íslenska ríkisins.

Sett hafa verið lög honum til höfuðs og breytti sú lagasetning áformum sem þegar var verið að vinna í. Áhugaverður þáttur fyrir veiðifólk og líkast til fleiri. Hér svarar Gísli öllum óþægilegu spurningunum og gagnrýninni sem hefur komið fram.

• Blogga um frétt

Seinustu hundraðkallar sumarsins