Mogginn sagði frá nýjum úða sem eykur kynlífsnautn kvenna. Sólskríkjan syngur: Frúnum aldrei færa rós né forleik karlar nenna ef að vekur úði'úr dós unaðslöngun kvenna.

Mogginn sagði frá nýjum úða sem eykur kynlífsnautn kvenna. Sólskríkjan syngur:

Frúnum aldrei færa rós

né forleik karlar nenna

ef að vekur úði'úr dós

unaðslöngun kvenna.

Einar Kolbeinsson yrkir af sama tilefni:

Nú þær geta notað sprey,

og nautnir æðstu finna,

þar með ekki þarfnast mey,

þreks og krafta minna.

Einari finnst þetta greinilega ósanngjarnt í meira lagi og höfðar til jafnréttis kynjanna:

Ef að þannig unir mey,

ei má gleyma hinu,

að ég fái einnig sprey,

útaf jafnréttinu!

Hann sér í anda hvernig hlutirnir gengju þá fyrir sig:

Nýjan skapar nautnasið,

nú má lífið þreyja.

Sæluþrungin saman við,

sitjum tvö að "spreyja".

pebl@mbl.is