Afhendingin Valgerður Sverrisdóttir iðnaðar- og viðskiptaráðherra afhendir Þórólfi Guðnasyni, yfirlækni sóttvarnarsviðs, verðlaun IcePro.
Afhendingin Valgerður Sverrisdóttir iðnaðar- og viðskiptaráðherra afhendir Þórólfi Guðnasyni, yfirlækni sóttvarnarsviðs, verðlaun IcePro. — Morgunblaðið/Jim Smart
LANDLÆKNISEMBÆTTI sóttvarnarlæknis hlaut í gær verðlaun sem IcePro veitir fyrir framúrskarandi árangur á sviði rafrænna viðskipta. Embættið hlaut verðlaunin fyrir fyrsta hluta verkefnis sem það vinnur að í samstarfi við TM Software á Íslandi.

LANDLÆKNISEMBÆTTI sóttvarnarlæknis hlaut í gær verðlaun sem IcePro veitir fyrir framúrskarandi árangur á sviði rafrænna viðskipta. Embættið hlaut verðlaunin fyrir fyrsta hluta verkefnis sem það vinnur að í samstarfi við TM Software á Íslandi. Verkefnið snýst um að koma bólusetningargögnum frá heilsugæslustöðvum í gagnagrunn sem geymdur er hjá Landlæknisembættinu með hjálp sjálfvirkrar skeytamiðlunar.

"Alþjóðaheilbrigðismálastofnunin hefur fullyrt að ungbarnabólusetningar séu arðbærasta fyrirbyggjandi aðgerð sem gerð er í heiminum í dag. Bólusetningargrunnurinn sem hér um ræðir er að mínu mati ein af forsendum þess að þessum málaflokki verði áfram vel sinnt hér á landi," sagði Þórólfur Guðnason, yfirlæknir sóttvarnarsviðs Landlæknisembættisins, þegar hann tók við verðlaunum IcePro í gær.