Fagmennska Finnur Baldursson Mývetningur mundar hér hamarinn af fagmennsku á Hólasandi.
Fagmennska Finnur Baldursson Mývetningur mundar hér hamarinn af fagmennsku á Hólasandi. — Morgunblaðið/BFH
Mývatnssveit | Á miðjum Hólasandi norðan Mývatnssveitar er hafin smíði leikmyndar fyrir kanadíska kvikmynd sem þar verður tekin að einhverjum hluta, í byrjun mars.
Mývatnssveit | Á miðjum Hólasandi norðan Mývatnssveitar er hafin smíði leikmyndar fyrir kanadíska kvikmynd sem þar verður tekin að einhverjum hluta, í byrjun mars. Að verki eru þar nú nokkrir smiðir bæði úr Mývatnssveit og að sunnan og munu rísa þar einhverjir skálar á snjóbreiðunni vestan undir Ármannsöldu. Sviðsmyndin mun eiga að vera frá Alaska sem er vel við hæfi þarna norður á heiðinni þar sem nú er fannbreiða, en Alaskalúpína þekur holt og börð á sumrin.