Byrjað verður að dreifa skattframtalseyðublöðum í hús í byrjun næstu viku. Skilafrestur framtalsins í ár vegna tekna ársins 2004 er til 29. mars, ef framtalinu er skilað á pappír.

Byrjað verður að dreifa skattframtalseyðublöðum í hús í byrjun næstu viku.

Skilafrestur framtalsins í ár vegna tekna ársins 2004 er til 29. mars, ef framtalinu er skilað á pappír. Ekki er hægt að sækja um frest til að skila framtali nema því sé skilað á Netinu og eru þá gefnir nokkrir dagar til viðbótar, mismunandi margir til þess að dreifa álaginu, samkvæmt upplýsingum skattyfirvalda. Síðustu forvöð til að skila framtalinu eru þannig fyrstu dagana í apríl.

85% á Netinu

Mikill meirihluti framteljenda telur fram á Netinu og hefur sá fjöldi vaxið ár frá ári. Þannig skiluðu rúm 80% framteljenda framtölum á Netinu á árinu 2003 og í fyrra var hlutfallið um 85%. Indriði H. Þorláksson, ríkisskattstjóri, segir að samkvæmt tölum frá Efnahags- og framfarastofnun Evrópu, OECD, sé þetta hlutfall hvergi hærra en hér á landi.