Bundinn við bryggjuna Báturinn Stormur hefur legið við bryggju í Kópavogi í þrjú ár.
Bundinn við bryggjuna Báturinn Stormur hefur legið við bryggju í Kópavogi í þrjú ár. — Morgunblaðið/Árni Sæberg
Kópavogur | Það sem átti að verða fimm dagar við bryggju urðu að þremur árum hjá eikarbátnum Stormi SH-333 sem fékk leyfi til að leggjast við bryggju í Kópavogi fyrir tæpum þremur árum til viðgerða, og hefur legið þar sem fastast síðan.

Kópavogur | Það sem átti að verða fimm dagar við bryggju urðu að þremur árum hjá eikarbátnum Stormi SH-333 sem fékk leyfi til að leggjast við bryggju í Kópavogi fyrir tæpum þremur árum til viðgerða, og hefur legið þar sem fastast síðan.

Jóhannes Guðmundsson, hafnarvörður í Kópavogshöfn, segir að hér sé um þekkt vandamál að ræða hjá öllum höfnum landsins, "vandræðapungar" liggi gjarnan lengi, taki pláss og safni upp hafnargjöldum.

"Hann fékk að koma hérna inn á höfnina, það var á miðvikudegi fyrir tæplega þremur árum síðan, með því skilyrði að hann lofaði að vera farinn á sunnudeginum. Alveg hundrað prósent, tíu puttar upp til guðs. Svo á laugardeginum fékk ég símhringingu um að báturinn væri að sökkva við bryggjuna. Þar með var kominn sjór upp á vélar og rafala og allt í fári. Síðan fór ekkert í gang, en af því við urðum að fá plássið til að taka á móti fraktskipi þá var hann dreginn þangað sem hann er núna, og reynt að hreinsa vélina."

Í framhaldinu lentu eigendur bátsins í erfiðleikum og báturinn var seldur á uppboði, hann var við bryggjuna um veturinn umhirðulaus, og þá frostsprakk í honum blokkin. Því er ljóst að báturinn þarfnast talsverðra viðgerða áður en hann siglir aftur.

Vandi sem flestar hafnir þekkja

Jóhannes segir að Stormur sé ágætt dæmi um vanda sem uppi er í flestum höfnum landsins. "Þetta er ekki eins og númerslausir bílar sem hægt er að draga út í Kapelluhraun, eða í geymslu einhversstaðar. Það liggja svona skip og bátar í öllum höfnum, svona vandræðapungar." Á meðan safnast upp hafnargjöld, sem eru á bilinu 70-80 þúsund krónur á ári fyrir bát af þessari stærð.