Einbeittar Hópur stúlkna á harða spretti í 1. maí hlaupi Ungmennafélags Akureyrar.
Einbeittar Hópur stúlkna á harða spretti í 1. maí hlaupi Ungmennafélags Akureyrar. — Morgunblaðið/Kristján
HIÐ árlega 1. maí hlaup Ungmennafélags Akureyrar fór fram á frídegi verkalýðsins sl. sunnudag. Fjöldi fólks tók að venju þátt í hlaupinu og þá aðallega börn á grunnskólaaldri.
HIÐ árlega 1. maí hlaup Ungmennafélags Akureyrar fór fram á frídegi verkalýðsins sl. sunnudag. Fjöldi fólks tók að venju þátt í hlaupinu og þá aðallega börn á grunnskólaaldri. Hlaupið er fyrst og fremst skólakeppni þar sem nemendur grunnskólanna á Norðurlandi keppa um bikar sem veittur er fyrir bestu hlutfallslegu þátttökuna. Auk þess var keppt í 4 og 10 km hlaupi. Í skólakeppninni var keppt í fjórum aldursflokkum stúlkna og drengja og að þessu sinni var það Valsárskóli á Svalbarðseyri sem bar sigur úr býtum. Giljaskóli hafnaði í öðru sæti og Oddeyrarskóli í því þriðja. Alls áttu ellefu grunnskólar í Eyjafirði og Þingeyjarsýslu fulltrúa í hlaupinu í ár. Hlaupið hófst við Glerártorg en endastöðin var við Greifann, þar sem þátttakendum var boðið upp á pitsu og drykk að hlaupi loknu.