1. júní 2005 | Íþróttir | 125 orð

Friðrik Stefánsson ekki með í Andorra

FRIÐRIK Stefánsson úr Njarðvík leikur ekki með íslenska landsliðinu í körfuknattleik á Smáþjóðaleikunum í Andorra sem hófust í gær.
FRIÐRIK Stefánsson úr Njarðvík leikur ekki með íslenska landsliðinu í körfuknattleik á Smáþjóðaleikunum í Andorra sem hófust í gær. Friðrik, sem valinn var í hópinn og var leikjahæstur íslensku leikmannanna með 79 landsleiki, slasaðist á auga á æfingu liðsins um helgina. Hann fékk bolta af miklu afli í augað með þeim afleiðingum að það blæddi inn á augnbotna. Friðrik var að gæla við að geta haldið til Andorra í dag en eftir skoðun hjá lækni í gær er ljóst að hann verður ekki með. ,,Læknirinn sagði mér að halda heima fyrir enda hætta á endurblæðingu ef ég færi að spila. Það er sárt að geta ekki verið með. Mig sem langaði svo mikið í gullið eftir að hafa fengið tvo silfurpeninga á Smáþjóðaleikum," sagði Friðrik.

Aðgangsupplýsingar

Notandi:Þú ert ekki innskráð(ur).
Greinin: Þessi grein er ókeypis þar sem hún er eldri en þriggja ára.
Morgunblaðið - fyrsta forsíðan

Morgunblaðið hjá Landsbókasafni

Á vefnum timarit.is er að finna stafrænt safn Landsbókasafns yfir helstu dagblöð og tímarit landsins. Þetta er eina leiðin til að leita að efni úr Morgunblaðinu frá því fyrir 1986.