HJÁ Almenna bókafélaginu er komin út Thorsararnir. Auður - völd - örlög eftir Guðmund Magnússon. Í augum danska búðarsveinsins Thors Jensen var Ísland land tækifæranna þótt þau væru flestum öðrum hulin.
HJÁ Almenna bókafélaginu er komin út Thorsararnir. Auður - völd - örlög eftir Guðmund Magnússon.

Í augum danska búðarsveinsins Thors Jensen var Ísland land tækifæranna þótt þau væru flestum öðrum hulin. Hann ákvað að láta slag standa og gerast Íslendingur. Thor hafði glöggt auga fyrir sóknarfærum og eftir að hafa þreifað fyrir sér í verslun sannfærðist hann um að framtíðin lægi í íslenskri stórútgerð. Í félagi við syni sína stofnaði hann togarafélagið Kveldúlf og lagði þar með hornstein að einu mesta ættarveldi landsins - veldi Thorsaranna.

Á blómatíma ættarinnar höfðu Thorsararnir mörg járn í eldi og þræðirnir lágu hvarvetna um samfélagið, útgerð, landbúnað, útflutningsverslun, utanríkisþjónustu og raunar æðstu stjórn. Eins og nærri má geta var litið upp til þeirra, en Thorsararnir áttu einnig fjölda öfundarmanna í viðskiptalífi og á vettvangi stjórnmálanna.

Saga Thorsaranna er saga um ótrúleg auðævi og takmarkalítil áhrif en einnig um misjöfn örlög.

Bókin er 398 bls. Verð 5.990 kr.