Húsið er 194 ferm. auk 24 ferm. bílskúrs eða alls 218 ferm. Garðurinn er mjög fallegur. Ásett verð er 45 millj. kr., en húsið er til sölu hjá Borgum.
Húsið er 194 ferm. auk 24 ferm. bílskúrs eða alls 218 ferm. Garðurinn er mjög fallegur. Ásett verð er 45 millj. kr., en húsið er til sölu hjá Borgum.
[ Smellið til að sjá stærri mynd ]
Reykjavík - Fasteignasalan Borgir er nú með í sölu raðhús við Kjalarland 6. Húsið er 194 ferm. auk 24 ferm. bílskúrs eða alls 218 ferm.
Reykjavík - Fasteignasalan Borgir er nú með í sölu raðhús við Kjalarland 6. Húsið er 194 ferm. auk 24 ferm. bílskúrs eða alls 218 ferm. "Þetta er vel skipulagt og fallega innréttað raðhús á góðum stað í Fossvogi og með góðu útsýni," segir Snorri Egilsson hjá Borgum.

Húsið skiptist í forstofu með skápum, gestasalerni, miðrými, eldhús með nýlegri innréttingu og góðum borðkrók. Framan við eldhúsið er borðstofa og fjórar tröppur upp tekur við mjög stór stofa og er þar útgengi út á flísalagðar suðursvalir.

Steyptur stigi er niður á jarðhæð og þar er gangur með stórum skápum, tvö góð barnaherbergi, hjónaherbergi, mjög stórt herbergi (tómstundaherbergi), baðherbergi með kari og sturtuklefa, þvottahús með útgengi, tvær litlar geymslur og köld útigeymsla. Gólfefni eru vandað parket og flísar.

Bílskúr er með öllum lögnum. Garðurinn er mjög fallegur og skjólgóður með stórri timburverönd.

"Húsið er mikið endurnýjað, m.a. gólfefni, innihurðir, eldhúsinnrétting, gluggar og gler, þak og þakkantur o.fl.," sagði Snorri Egilsson að lokum. Ásett verð er 45 millj. kr.